Tou Tufa ʼi Novepeli Te Pepa Lotu Te ʼu Logo ʼo Te Puleʼaga N° 38!
1. Kotea te ʼu fehuʼi ʼe fai e te hahaʼi ʼo ʼuhiga mo te kau mate, pea ʼe tou tali feafeaʼi anai ki te ʼu fehuʼi ʼaia ʼi Novepeli?
1 Ko te mate ʼe ko te fili ʼa te hahaʼi fuli pe, tatau aipe pe kotea tanatou lotu. (1 Ko. 15:26) Tokolahi ʼe natou feʼekeʼaki pe ʼifea te kau mate pea ʼe feala koa hanatou toe fakatahi mo natou. Koia, ʼi te kele katoa, ʼe kau anai te ʼu kokelekasio ki te tufa lolotoga he mahina katoa ʼo te pepa lotu Te ʼu Logo ʼo Te Puleʼaga N° 38, ko tona kupu tafitō “ʼE Feala Moʼoni Koa Ke Toe Maʼuli Ake He Mate?” ʼE kamata anai te tufa makehe ʼaia ʼi te ʼaho 1 ʼo Novepeli. Hili te tufa makehe ʼaia, ʼe fakaʼaogaʼi anai te pepa lotu Te ʼu Logo ʼo Te Puleʼaga N° 38 ʼi tatatou faifakamafola ohage ko te ʼu kiʼi pepa lotu ʼae.
2. ʼE tou lava fakaʼaogaʼi feafeaʼi te pepa lotu Te ʼu Logo ʼo Te Puleʼaga N° 38?
2 Tona Faʼahiga Fakaʼaogaʼi: ʼE feala hatatou peluki fakaloaloa te pepa lotu Te ʼu Logo ʼo Te Puleʼaga N° 38 ke ha ai ʼi te muʼa pasina ia te kupu tafitō, ʼo feia mo te fehuʼi ʼaeni “ ʼE kotou tali anai . . . ʼei? kailoa? ʼe mahalo pe?” Ka avahi anai e ia ʼae ʼe ina lau te pepa lotu Te ʼu Logo ʼo Te Puleʼaga, ʼe ina maʼu anai te tali ʼi te Tohi-Tapu ki te kupu tafitō pea mo tona fakaʼuhiga kia ia ʼo te fakapapau ʼae ʼe fai mai ʼi te Tohi-Tapu. ʼE ina toe maʼu anai ni tupuʼaga ke feala ai hana tui ki te Tohi-Tapu. ʼI te tuʼa pasina ʼo te pepa lotu Te ʼu Logo ʼo Te Puleʼaga ʼe lagaʼi ai te fehuʼi ʼe feala ke fakakaukau ki ai pea mo ina fia maʼu he tahi age ʼu fakamahino.
3. ʼE tou tufa feafeaʼi anai te pepa lotu Te ʼu Logo ʼo Te Puleʼaga N° 38?
3 Tona Tufa: ʼE tatau pe anai te tufa ʼaeni mo te ʼu tufa ʼo te ʼu pepa fakaafe ki te ʼAho Fakamanatu pea mo te fakatahi fakatisitilike. ʼE fakatuʼutuʼu anai e te kau tagata ʼafeā te gaue ke fai katoa te telituale, ʼo mulimuli ki te tohi ʼae neʼe momoli age kia natou, ʼo te ʼaho 1 ʼo Apelili 2013. Ka momoli atu ʼakotou pepa lotu Te ʼu Logo ʼo Te Puleʼaga N° 38, kotou manatuʼi ʼo toʼo pe te ʼu pepa lotu ʼo fakafeʼauga ki te vahaʼa. Lolotoga te tufa, ʼe feala ke foaki te ʼu pepa lotu ʼi te fagonogono faigamalie, moka kua ʼosi fai fuli te ʼu ʼapi ʼo tatatou telituale. Kapau kua tufa fuli te ʼu pepa lotu kaʼe heʼeki ʼosi te mahina, pea ʼe feala ke fakaʼaogaʼi te tufa ʼo te mahina ʼo Tesepeli. ʼI te ʼuluaki Moeaki, ʼe tou tokakaga tafitō anai ki te tufa ʼo te ʼu pepa lotu ʼi hatatou kamata ʼo ni ako Tohi-Tapu. ʼI te ʼu fakaʼosi vahaʼa, ʼe toe feala foki ke tou tufa te ʼu nusipepa mo kapau ʼe feala. Kua kotou fai koa ni fakatuʼutuʼu ke kotou lagolago malohi ki te tufa makehe ʼaia?