ʼE Feala Koa Ke Lahi Age Takotou Gaue?
1. Kotea ʼae kua ʼaoga tafitō ke fai ʼi te minisitelio, pea kotea tona tupuʼaga?
1 ʼI tana sio ki te fia logo ʼa te hahaʼi tokolahi ki te logo lelei ʼo te Puleʼaga, neʼe fakatotonu e Sesu ki ʼana tisipulo ke natou “kole ki te pule o te taukai ke fekaui ni kau gaue ki tana taukai.” (Mat. 9:37, 38) Mai tona aluʼaga ʼae ʼe tou nonofo nei ʼi te ʼu hola fakaʼosi ʼo te temi taʼukai, kua maʼuhiga age tatatou gaue ʼi te temi nei ʼi te ʼu temi ki muʼa atu. Ko tona fakaʼuhiga ʼae ʼe tonu ke tou vakavakaʼi, ʼi te faikole, peʼe feafeaʼi hatatou lagolago malohi ki te gaue.—Soa. 14:13, 14.
2. Kotea te tali neʼe fai e ʼihi ki te kole ʼae ke lahi age ia he kau gaue ki te minisitelio?
2 Ko He Gaue ʼe Lahi Age: ʼAki te takitaki pea mo te tokoni ʼa Sehova, neʼe feala ai ki te tokolahi ke natou pionie. (Pes. 26:2, 3; Filp. 4:6) Neʼe faiga tafitō e ʼihi ke natou pionie vaeluaʼi temi ʼi te taʼu, lolotoga he mahina katoa peʼe laka atu. Neʼe natou maʼu ai he faigamalie ke lahi age tanatou kau ki te minisitelio. ʼUhi ko te fiafia ʼae neʼe natou maʼu ʼi tanatou pionie vaeluaʼi temi, tokolahi ia natou ʼaia neʼe natou fakakaukauʼi ke natou pionie katoa.—Gaue 20:35.
3. Kapau ʼi te temi muʼa neʼe kotou pionie, kotea ʼae ʼe lagi kotou fia vakavakaʼi ʼi te temi nei?
3 ʼE Feala Koa Ke Kotou Pionie?: Kapau ʼi te temi muʼa neʼe kotou pionie, ʼe mahino ia ʼe kotou manatuʼi ia te ʼu lakaga fakafiafia ʼo te temi ʼaia. Neʼe kua kotou fakakaukauʼi koa ʼi te faikole ke kotou toe toʼo takotou selevisi? Ko te ʼu aluʼaga ʼae neʼe tupu ai takotou tuku takotou pionie, kua lagi fetogi, ʼo mole kei taʼofi ai koutou. Kua lagi hoko mai ia te temi ʼae ke kotou toe toʼo ai ia takotou selevisi pionie.—1 Soa. 5:14, 15.
4. Kotea te faigamalie pe ʼe tahi ʼe foaki mai kia tatou fuli?
4 ʼE kei hoholo nei te fai ʼo te gaue ʼo te taʼukai pea kua vave ʼosi. (Soa. 4:35, 36) ʼOfa pe ke tou vakavakaʼi e tatou fuli ia totatou aluʼaga ʼi te temi nei, peʼe feala ke tou fetogi ʼatatou gaue ʼae ʼe tou fai ʼi te ʼaho fuli, ke feala ai hatatou lagolago malohi ki te minisitelio. Pea kapau ʼe mole feala ke lahi age tatatou gaue, ʼe feala koa ke tou kumi ke lelei age tatatou faifakamafola? (Mko. 12:41-44) ʼE ko he toe pilivilesio lahi ʼe foaki kia natou fuli ʼae ʼe fakafealagia e ʼonatou aluʼaga ʼi te temi nei, ke fakaʼaogaʼi natou e Sehova ki te gaue ʼaeni e tahi!—Pes. 110:3.