Ke Lelei Age Tatatou Minisitelio: Tatatou Tali Ki He ʼu Palalau Fakafeagai

He Ko ʼe ʼe Maʼuhiga?: Fakakaukauʼi age muʼa ʼe ke iloʼi ʼe ʼi ai he tuʼutamaki fakanatula ka ʼamanaki hoko mai. ʼE feala ke mamate ai te hahaʼi mo kapau ʼe mole natou feholaki ki he tahi age koga meʼa. ʼE ke alu anai ʼo fakaha te logo ʼaia ki tou vahaʼa fale, kaʼe ʼe ina tuʼusi atu tau palalau ʼo ina ui atu ʼe maʼumaʼua. ʼE mahino ia, ʼe ke hoko atu anai tau palalau. ʼE toe feia mo te hahaʼi ʼo totatou telituale. Tokolahi ʼe natou fakafisi mai heʼe mole natou mahino ki te maʼuhiga ʼo te logo ʼae ʼe tou tala. ʼE feala ke haofaki ai tonatou maʼuli. ʼE lagi natou lotohoha ʼi te temi ʼae ʼe tou ʼaʼahi ai natou. (Mat. 24:37-39) Peʼe lagi ʼe natou tuʼania ʼo ʼuhiga mo tatou ʼuhi ko te ʼu loi ʼae neʼe natou logo ki ai. (Mat. 11:18, 19) ʼE lagi natou manatu ʼe tou hage pe ko te ʼu lotu ʼae ʼe natou fai ia te ʼu aga ʼae ʼe kovi. (2 Pet. 2:1, 2) Kapau ʼe ui mai e he tahi ʼe mole fia logo, ʼe mahino ia ʼe mole gata ai ʼatatou faiga.