“ ʼE Mole Feala Ke Au Toe Maʼu Ia Ia Ki Tona ʼApi”

Neʼe kua kotou ui koa te faʼahi ʼaia ʼo ʼuhiga mo he tahi neʼe fia logo? Logo la neʼe kotou olo liuliuga ʼo ʼaʼahi he tahi kaʼe neʼe mole feala takotou fakapala te pulapula ʼae neʼe kotou to. (1 Ko. 3:6) ʼI ʼihi temi, ʼe faitohi ia he ʼu tehina faiva ki he tahi neʼe mole natou maʼu ki tona ʼapi peʼe natou tuku he kiʼi moʼi pepa ʼi tona muʼa matapa. ʼE iloʼi e ʼihi tehina ʼe faigataʼa te maʼu ʼo he tahi ki tona ʼapi, koia ʼae ʼe natou kole ai ʼanatou numelo telefoni. ʼE feala ke tou lau ko hatatou ʼaʼahi mo kapau ʼe tou ʼaʼahi he tahi peʼe tou faitohi ki ai, peʼe tou tuku he kiʼi moʼi pepa ki tona muʼa matapa peʼe tou pauʼi kia ia ʼi te telefoni. Tatau aipe pe ʼe tahitahiga tatatou maʼu ia ia ki tona ʼapi kaʼe ʼe feala pe ke tou hoko atu te ʼaʼahi ʼo ia.