He Faʼifaʼitaki ʼo He ʼu ʼUluaki Palalau

Moʼo Kamata He ʼu Ako Tohi-Tapu ʼi Te ʼUluaki Moeaki ʼo Fepualio

“Neʼe hoki au iloʼi te huafa ʼo te ʼAtua ʼi taku kamata ako te Tohi-Tapu. ʼE ke iloʼi pe kotea tona huafa? [Tuku ke fai mai hana tali.] ʼE au fia fakaha atu te manatu ʼaeni.” Kotou tuku age Te Tule Leʼo ʼo Sanualio–Malesio, pea fakaha age te alatike ʼi te pasina fakaʼosi, pea mo vakaʼi fakatahi mo ia te ʼuluaki manatu pea mo te vaega. Kotou tuku age ki ai te nusipepa, pea mo fai he fakatuʼutuʼu ke kotou toe liliu ʼo vakaʼi fakatahi mo ia te tali ki te fehuʼi ʼae ʼe hoa mai ki ai.

Ko Te Tule Leʼo Sanualio–Malesio

“ ʼE au fia iloʼi pe kotea tau manatu ʼo ʼuhiga mo Apele, te tagata ʼae neʼe fakaʼapaʼapaʼi lahi e te kau Kilisitiano, mo te kau Sutea pea mo te lotu Mahometa. Kotea la tau maʼu ʼo ʼuhiga mo te tagata ʼaia? [Tuku ke fai mai hana tali pea ke lau age ia Hepeleo 11:4.] ʼI te nusipepa ʼaeni, ʼe feala ke tou maʼu ai he ako mai te tui ʼae neʼe maʼu e Apele.” Fakaha age te alatike ʼi te pasina 12.

Réveillez-vous! ʼo Fepualio

“Tokolahi ʼi te temi nei, ʼe natou olo ʼo nonofo ʼi he tahi fenua heʼe natou faiga ke lelei age tonatou maʼuli. ʼI tau manatu, ʼe natou maʼu tuʼumau koa he maʼuli fimalie? [Tuku ke fai mai hana tali.] ʼE mole ko he aluʼaga foʼou ia te faʼahi ʼaia. ʼE tou maʼu te faʼifaʼitaki ia Senesi. [Lau age ia Senesi 46:5, 6.] Pea ʼe talanoa ia te nusipepa ki te ʼu fehuʼi ʼaeni.” Fakaha age ia te ʼu fehuʼi ʼae ʼe tuʼu ʼi te pasina 6 ʼi te fakaʼosi ʼo te alatike.