Ke Lelei Age Tatatou Minisitelio: Kamata He Ako Tohi-Tapu ʼi Te Muʼa Matapa ʼAki Te Kaupepa Lahi Te ’u Logo Lelei Mai Te ʼAtua
He Koʼe ʼe Maʼuhiga? Moʼo fai ʼo ni tisipulo, ʼe tonu ke tou liliu ko he ʼu faiako ʼo te Folafola ʼa te ʼAtua. (Mat. 28:19, 20) ʼE feala kia tatou fuli ke tou akoʼi fakalelei ia te moʼoni ʼaki te ʼu meʼa gaue ʼae neʼe foaki mai. Pea neʼe fakatuʼutuʼu tafitō ia te kaupepa lahi Te ʼu Logo Lelei Mai Te ʼAtua ke tokoni mai ke tou akoʼi te moʼoni ki ni ʼihi. Koia, ʼe feala ke tou fakaʼaogaʼi te kaupepa lahi ʼaia, moʼo kamata he ako Tohi-Tapu mo he tahi ʼe tou palalau mo ia ʼi tona muʼa matapa.
ʼAhiʼahi Fai Te Faʼahi ʼAeni Lolotoga Te Mahina:
Faikole ke ke fia takitaki hau ako Tohi-Tapu. Pea mo kole kia Sehova ke tokoni atu ke ke kamata hau ako Tohi-Tapu pea ke ke liliu ko he faiako faiva ʼo te moʼoni.—Filp. 2:13.
Lolotoga te ako fakafamili peʼe ko te ako takitokotahi, toʼo he temi ke ke ako fakaʼatamai ʼau ʼuluaki palalau. Koia, ʼe feala tau palalau ʼaki he lotofalala pea mo kamata ʼi te muʼa matapa he ako Tohi-Tapu ʼi te minisitelio.