Ngenelwa Kwividiyo Ethi No Blood—Medicine Meets the Challenge
Iphangalele kangakanani ingqondo yakho ngokhetho onalo kunyango ngaphandle kwegazi? Uyazazi ezinye izinto onokuzisebenzisa endaweni yotofelo-gazi nendlela ezisebenza ngayo? Bukela le vidiyo, uze uhlole ulwazi onalo ngale mibuzo ilandelayo.—Phawula: Ngenxa yokuba le vidiyo inemiboniso emifutshane yabantu abenziwa utyando, abazali bafanele bagqibe enoba abantwana babo abancinane bafanele bayibukele kusini na.
(1) Sisiphi isizathu esingundoqo sokuba amaNgqina kaYehova angalitofeli igazi, yaye ufumaneka phi lo mgaqo eBhayibhileni? (2) Kumbandela wezonyango, yintoni esiyinqwenelayo? (3) Liliphi ilungelo elibalulekileyo analo umguli? (4) Kutheni kusengqiqweni yaye kufanelekile ukwala ukutofela igazi? (5) Xa uye wopha kakhulu, ziziphi izinto ezimbini ezingundoqo abafanele bazenze oogqirha? (6) Ziziphi iingozi zempilo ezinxulunyaniswa notofelo-gazi? (7) Ziziphi ezinye zezixhobo abanazo oogqirha zokunciphisa ukopha xa kusenziwa utyando? (8) Yintoni ofanele uyibuze ngalo naluphi na unyango olungasebenzisi utofelo-gazi? (9) Ngaba utyando olukhulu noluntsonkothileyo lunokwenziwa ngaphandle kotofelo-gazi? (10)Yintoni abakulungeleyo oogqirha abaninzi ukuyenzela amaNgqina kaYehova, yaye yintoni ekugqibeleni enokuba ngumlinganiselo wonyango kubo bonke abaguli?
Ukwamkela naluphi na unyango oluboniswe kule vidiyo kuxhomekeke kwisazela somntu nesigqibo azenzele sona.—Bona IMboniselo kaJuni 15, 2004, iphepha 22-4, 29-31, nekaOktobha 15, 2000, iphepha 30-1.