Mini’ E Pi Fager Rok Got?

Jesus Kristus e Fak Jehovah ma ri yow ba chuchugur, ma rib fel’ e fager rorow. U m’on ndawori mang be’ u fayleng ma i par Jesus u thamriy nreb e kan nib gel’. (John 17:5) Me ere yib nga fayleng ni nge fil ngak e girdi’ e tin riyul’ u murung’agen Got. (John 18:37) Ma ki pi’ e yafos rok nib girdi’ ni nge ayuweg ko denen nge yam’ e piin ni yad ma fol. (Roma 6:23) Chiney e ke mang Jesus pilung ko fare Gil’ilungun Got ni reb e am u tharmiy ni ireram e bin ra fek i yib e Paradis ko re fayleng ney.​—Revelation 19:16.

Fapi engel e ku fager rok Got. De tabab e yafos ko pi engel u roy u but’ ni bod e girdi’. Kan sunmiyrad u tharmiy u m’on ndawori fl’eg Got e fayleng. (Job 38:4-7) Bokum million e pi engel. (Daniel 7:10) Pi fager ku Got nu tharmiy ney e yad baadag ni nge fil e girdi’ e tin riyul’ ni murung’agen Jehovah.​—Revelation 14:6, 7.

Ku bay e pi fager rok Got u fayleng ni ma piningrad ni Pi Mich Rok. Reb e mich u tafen e puf oloboch e ma yog e tin manang u murung’agen be’ ara boch ban’en. Ma Pi Mich Rok Jehovah yad ma yog ko yug girdi’ e pi n’en ni yad manang u murung’agen Jehovah nge tin be nameg. (Isaiah 43:10) Fapi Mich e yad bod fapi engel ni yad baadag ni ngar ayuweged gur ngam nang e tin riyul’ u murung’agen Jehovah. Maku yad baadag ni ngam fagergow Got.