LIBRARY U ONLINE ni fan ko Wulyang ko Damit
Wulyang ko Damit
LIBRARY U ONLINE
Waab
  • BIBLE
  • PI BABYOR
  • PI MUULUNG
  • w08 5/1 pp. 4-6
  • Armageddon—Mahl Rok Got Nra Museg Gubin E Mahl

Dariy e video ko n'en ni kam mel'eg.

Wenig ngom, dabiyog ni nge load e re video ney.

  • Armageddon—Mahl Rok Got Nra Museg Gubin E Mahl
  • Fare Wulyang Ntagil’ E Damit Ni Be Weliy Morngaagen Gil’ilungun Jehovah—2008
  • Pi Subheading
  • Boch Ban'en ni Ku Taareb Rogon Ngay
  • Cham ni Un Tay nib Chugur Nga Megiddo
  • Armageddon ni Rogon ni Bay u Bible
  • Ngan Nang ni Armageddon e ba Cham ni Riyul’
  • Tin Riyul’ u Murung’agen e Armageddon
    Fare Wulyang ko Damit Ni Be Weliy Morngaagen Gil’ilungun Jehovah—2012
  • Rayog ni Ngad Athapeged ni Nge Taw ko Ngiyal’ Nra Yib e Armageddon!
    Fare Wulyang ko Damit Ni Be Weliy Morngaagen Gil’ilungun Jehovah (Ken ni Ngan Fil)—2019
  • Mang e N’en ni Be Yog e Bible?
    Fare Wulyang ko Damit Ni Be Weliy Morngaagen Gil’ilungun Jehovah (Fan ko Girdi’ ni Yoor)—2017
Fare Wulyang Ntagil’ E Damit Ni Be Weliy Morngaagen Gil’ilungun Jehovah—2008
w08 5/1 pp. 4-6

Armageddon​—Mahl Rok Got Nra Museg Gubin E Mahl

“Yad ma tay nib kireb ni ngan li’ be’ ngem’; arfan ni mahl e ur sapgad ngay ni ban’en nib mo’maw’ ni ngan nang fan ma dabuy ni ngan weliy, ma ban’en ndariy ko thin rorad.”​—THIN ROK BOCH E GIRDI’ NRA SUMGAD KO PIIN RI YAD YU GREENLAND NROGON NI YOG BE’ NU NORWAY NI KA NOG FRIDTJOF NANSEN NGAK NI MA MILEKAG IYAN NGA I GAY MURUNG’AGEN BAN’EN U NAP’AN E 1888.

MINI’ e dabun ni nge par u bang ni “dan nang e mahl riy ma dabuy ni ngan weliy”? Mini’ e dar yim’ ni bochan ni nge guy ba fayleng ni mus ko fare bugithin ni mahl ma dariy ko thin riy ni bochan e dariy be’ ni manang murung’agen? Sana ba mo’maw’ ni nge mich u wan’uy ban’en ni aray rogon, nib ga’ nfaanra girdi’ e gad be athapeg ni nge rin’.

Machane, u lan fare yiiy rok Isaiah, e micheg Got riy nra yibnag reb e fayleng ni aray rogon ni gaar: “Bay ra pirdiiyed e pi sayden rorad ngar ngongliyed talin e maruwel riy ni ma gi’ e but’, mi yad yodoromnag e pi sarey rorad nge mang yar ni yima th’ab papa’ngin e woldug ngay. Pi nam e dab kur mahlgad bayay, ma dab kur fal’eged rogorad bayay ni fan ko mahl.”​—Isaiah 2:4.

Ba tamilang ni fayleng e chiney ni bay 20 e milyon e salthaw riy ni yad be maruwel nge sogonap’an 20 e mahl ni be yan ma nge thil nib gel nbochan e re n’ey ni kan micheg ni nge lebug. Dab ni gin ngay, fare Got nth’abi gel gelngin, ni Jehovah, e thingari rin’ ban’en ko pi n’en ni be rin’ e girdi’. Ireray e n’en ni tomur nra rin’ Jehovah ni be yog e Bible e Armageddon ngay.​—Revelation 16:14, 16.

Yugu aram rogon ni fare bugithin ni “Armageddon” e kan fanay ko pi duw ni ke yan ni nge yip’ fan e magothgoth nra tay e donmach ni bay e nuclear riy ko fayleng ni polo’, ma reb e jibiki e baaray rogon ni be weliy fan ere bugithin ney: “Gin ni ngan tay e bin nth’abi ga’ nge tomur e cham u thilin gelngin e tin nib fel’ nge tin nib kireb.” Gur, rayog ni gel e fel’ ko kireb, fa re mahl ney e yugu ban’en ni kan tunguy kan weliy?

Rayog ni nge fel’ lanin’dad ya kad nanged ni yugu be sul e Bible u daken nga i weliy murung’agen e ngiyal’ nra mus e kireb riy. I yog fare psalmist u m’on riy ni gaar: “Bay ni thang owchen gubin e pi tadenen u fayleng. Bayi math mit e piin nib kireb.” (Psalm 104:35, New World Translation) Babyor ko Proverbs e be gaar: “Piin nib fel’ e ngongol rorad e yad ra par u fayleng, ma piin ni dariy e kireb ni kan pirieg rorad e yad ra par ni dariy n’umngin nap’an. Machane piin ni yad ba kireb, e ran thirifrad u but’; ma piin nib sasalap, e ran chuwegrad riy.”​—Proverbs 2:21, 22.

Ku be tamilangnag e Bible ni piin ni kireb e dab ra paged gelngirad u fithik’ e gapas; arfan nib t’uf ni nge yib e bin nth’abi tomur e mahl ni ir e ra chuweg gubin e kireb nib muun e mahl ngay. (Psalm 2:2) Re ngochol ni baaray ni Armageddon ni ke yog e Bible ko re mahl ney ni yugu ba thil e rib ga’ fan.

Cham ni Un Tay nib Chugur Nga Megiddo

Fare bugithin ni “Armageddon” e be yip’ fan e “Burey nu Megiddo.” Fare mach nu Megiddo kakrom, nib muun e tagapas nu Jezreel ngay, e bay e mahl ni ur tayed kakrom. Eric H. Cline ni be’ ni ma yol chep e yoloy ko fare babyor ni The Battles of Armageddon (Pi Mahl ko Armageddon) ni gaar: “Ka nap’an chepin e girdi’, ma fare loway nu Megiddo nge Jezreel e ke mang e gin’en ni yima mahl riy ni be dag rogon e mon’og ni yibe tay i yan.”

Bochan e gin ni bay e gin’em nu Megiddo riy, ma re loway nem nge gin nu tooben e loway e boor e cham ni kar guyed ni kan tay u lan 4,000 e duw. Be’ ni ma weliy murung’agen e chep e theeg ma 34 u gubin!

Chepin yu Megiddo nge gin ni bay ere binaw nem riy e dariy e maruwar riy ni bay rogon ko fare bugithin ni “Armageddon.” Yugu aram rogon nre bugithin nem e kemus ni taab yay ni ke m’ug u lan e Bible, ma rogon ni kan weliy u lan fare babyor ni Revelation e be tamilangnag nra rin’ ban’en ko yafas rok gubin e girdi’ nu fayleng.

Armageddon ni Rogon ni Bay u Bible

Yugu aram rogon ni pi mahl ni un tay u Megiddo e be micheg ni bay angin, ma dariy taareb ni chuweg e kireb. Dariy reb nri yog ni nge chuweg e kireb ni gubin. Ba puluw ni binem e mahl e sum rok Got. Bod rogon ni yog Jesus ba ngiyal’, ni “Dariy taabe’ nib fel’ ya kemus ni yigoo Got e ba fel’.” (Luke 18:19) Maku, Bible e be yog ni Armageddon e mahl rok Got.

U lan e Bible, ma fare babyor ni Revelation e be yog ni “pi pilung u fayleng ni polo’” e bay ni kunuyrad nga taabang “ni fan ko mahl ni fan ko fare rran ni ba ga’ fan, ni Rran rok Got ni Gubin ma Rayog Rok.” (Revelation 16:14) Fare thin ko profet e ku be ulul ngay ni gaar: “Me kunuy fapi moonyan’ e pi pilung nga taabang nga bang ni ka nog yu Armaggedon ngay ni thin ni Hebrew.” (Revelation 16:16) Boch nga tomren, miki weliy e Revelation ni “pi pilung nu fayleng nge pi salthaw rorad” e yad ra muulung “ni ngar chamgad ngak faanem ni ke af nga daken fare os nge ngak e salthaw rok.” (Revelation 19:19) Cha’ ney ni be yan u daken e os e aram Jesus Kristus.​—1 Timothy 6:14, 15; Revelation 19:11, 12, 16.

Mang e rayog ni nga dogned u murung’agen e pi thin ney ni kad beeged? Rayog ni nga dogned ni Armageddon e ba mahl u thilin Got nge gelngin e girdi’ ndarur folgad. Mang fan nra un Jehovah nge Fak, ni Jesus Kristus ko re mahl ney? Reb riy e bochan ni Armageddon e ra “kirebnag e piin ni kar kirebniged e fayleng!” (Revelation 11:18) Tin kub muun ngay e, ra fek reb e fayleng nib gapas i yib, “bin nib beech e fayleng, ni aram e tin nib mat’aw e ngongol e bay i par riy, ni ereray e pi n’en [ni ke micheg Got] ni gadad be sonnag.”​—2 Peter 3:13.

Ngan Nang ni Armageddon e ba Cham ni Riyul’

Ba’ rok mini’ e gad ra moy riy u nap’an e re cham ney? Yooren i gadad e be lemnag nib muun nga gelngin e tin nib fel’. Machane uw rogon nrayog ni ngad nanged ko riyul’ e re n’ey fa? Ke tay Zefaniah ni profet ir ngodad ni gaar: “Mu gayed e tin nib mat’aw ban’en, mu gayed e sobut’an’.” (Zefaniah 2:3, NW) I yog apostal Paul e n’en nib m’agan’ Got ngay ni aram e: “Urngin e girdi’ ni ngar thapgad ngak ma ngar nanged e tin nib riyul’.”​—1 Timothy 2:4.

N’en nsom’on ni ngad rin’ed me yog e yafas ngodad e ngad filed e tin nriyul’ u murung’agen Jehovah nge n’en nib m’agan’ ngay ni aram e nge chuweg e kireb u fayleng. Ma bin migid e ngaun rin’ e tin nib mat’aw, me yog nda fel’gad u wan’ Got me yog ni yoror rodad.

Faan gad ra rin’ e pi n’ey nib ga’ fan, ma rayog ni ngad sapgad nga m’on ko ngiyal’ nra yib e Armageddon, ni aram ba mahl nra museg e pi mahl ko girdi’. Nap’an nra m’ay ere cham nem, ma girdi’ u ga’ngin yang e yad ra sap ko mahl ni ban’en nib mo’maw’ ni ngan nang fan ma dabuy ni ngan weliy. “Dab kur fal’eged rogorad bayay ni fan ko mahl.”​—Isaiah 2:4.

[Picture on page 5]

Nap’an nra m’ay e Armageddon, ma girdi’ u ga’ngin yang e yad ra sap ko mahl ni ban’en nib mo’maw’ ni ngan nang fan ma dabuy ni ngan weliy

    Yapese Publications (1984-2025)
    Mu Log Out
    Mu Log In
    • Waab
    • Mu Sharenag
    • Pi N'en Nrayog ni Ngam Mel'eg
    • Copyright © 2025 Watch Tower Bible and Tract Society of Pennsylvania
    • Rogon ni Ngan Fanay
    • Privacy Policy
    • Privacy Settings
    • JW.ORG
    • Mu Log In
    Mu Sharenag