Mang E Athap Ko Piin Kar M’ad?

Reb fapi girdi’ ni llowan’ ni kan weliy murung’agen boch kafram e be kol bangi sasing ni yaan fa wu’ i mabgol ni kan weliy murung’agrow ko bin som’on e article

Gad gubin ni gad ma yim’ ara bay be’ nib t’uf rodad ni ke yim’. Machane gur, ra yim’ be’ ma aram e ke mus e yafos rok u rom? Gur, kan pagtalin e piin kar m’ad? Ma gur, bay e athap ko piin kar m’ad?

MU LEMNAG E N’EN NI BE YOG E BIBLE:

PIIN KAR M’AD E DAWOR NI PAGTILRAD

“Gubin e yam’ ni bay u lan e low . . . e bay ni fasegrad.”—John 5:28, 29.

Ka manang Got e piin kar m’ad. Piin ka yad bay u laniyan’ e ra fasegrad ko yam’.

YIRA FASEG E PIIN KAR M’AD MAR PARED U FAYLENG

“Bayi faseg [Got] urngin e girdi’ ko yam’, ni tin nib fel’ nge tin nib kireb.”—Acts 24:15.

Bokum bilyon e girdi’ e yira fasegrad ni athap rorad e ngar pared ni manemus u fithik’ e gapas.

RAYOG NI NGE MICH E FOS KO YAM’ U WAN’UY

“[Got e] ir e ke dugliy urngin e t’uf ma ke yog fithingan reb nge reb.”—Psalm 147:4, BT.

Manang Got fithingan gubin e pi t’uf u lan e lang, ere rib mom ni nge yib ngan’ e piin ni nge fasegrad ko yam’.