Rayog ni Ngam Thiliyeg e Schedule Rom Nge M’ag?
1. Mang fan ni susun ni ngad thiliyeged e schedule rodad nge m’ag ko machib?
1 Gadad e tin riyul’ e Kristiano me ere kad uned ko maruwel ko piin ni tafita’ ni ma “yognag e girdi’.” (Matt. 4:19) Bod rogon e piin ni yad ma fita’ ma ra yib angin e maruwel ni gad ma tay ni ngan yognag e girdi’ ni faanra ngad puluwnaged e schedule rodad ni ngad uned ko machib ko ngiyal’ ni rayog ni ngan pirieg e girdi’. Boor e binaw ma pi pul nga m’on e ra n’uw boch nap’an e ngiyal’ nrran. Boor e girdi’ ma yad bay u tabinaw ko mathigyal’ nge balayal’. Baga’ ni yad be toffan ma yad ra felan’ ni ngar nonad ko girdi’. Rayog ni ngam thiliyeg e schedule rom nge m’ag ko pi ngiyal’ nem?—1 Kor. 9:23.
2. Mang boch e kanawo’ nrayog ni ngad wereged fare thin nib fel’ ngak boor e girdi’?
2 Machib ko Balayal’: Faan gad ra fl’eg rogon ni ngad uned ko machib ko balayal’ ma rayog ni nge yoor e girdi’ ni ngad mada’gad ngad wereged fare thin nib fel’. (Prov. 21:5) Piin ni fel’ yangaren e rayog ni ngar uned ko machib u tomren ni kar uned ko skul. Ma yugu boch e girdi’ e rayog ni ngar uned ko machib u tomren ni kan tal ko maruwel. Boch e book study e rayog ni ngar yarmiyed ni ngan un ko machib taareb e awa u m’on ko muulung.
3. Mang boch e kanawo’ ni rayog ni ngam machibnag e girdi’ ko mathigyal’ nge balayal’ u lan e territory rom?
3 Rayog ni ngan non ko girdi’ ni baga’ ni der moyed u tabinaw ni faanra ngan un ko machib ko mathigyal’ nge balayal’. Boor e territory ma rayog ni ngan un ko machib u kanawo’ nge yu gin ni fene yoor u nap’an e ngiyal’ ko balayal’. Ma boor e girdi’ ma kar pirieged nib fel’ ni ngan sul ngak e girdi’ ma ngan tababnag e Bible study ko balayal’.
4. Mang fan ni baga’ fan ni ngam ngongol u fithik’ e gonop ma ngam lemnag e girdi’ u nap’an ni ngam un ko machib ko balayal’?
4 Ba T’uf ni Ngan Gonopiy: Ba t’uf ni ngan machib u fithik’ e gonop u nap’an ni ngan un ko machib ko balayal’. Baga’ ni fel’ ni ngan un ko machib ko balayal’ ma gathi nep’, ya dabi fel’ ni ngan yan nga tafen e girdi’ u nap’an ni yad be n’en ni ngar molgad. (Fil. 4:5) Nap’an ni ngam tugtuguy e mab ma ngam sak’iy u gin nrayog ni ngan guyem, ma ngam mog ko gur mini’. Ngam weliy ko mang fan ni kam mub. Faanra kam mub ko ngiyal’ nde fel’, ni bod e ngiyal’ ni yibe abich ma aram ma ngam mog ni ngam sul nga yugu ba ngiyal’. Gubin ngiyal’ ma ngam lemnag e girdi’.—Matt. 7:12.
5. Uw rogon nrayog ni nge siy iyib e riya’ ngodad u nap’an ni ngad uned ko machib?
5 Ku ba t’uf ni nge tamilangan’dad ko boch e riya’. Faanra ga be un ko machib ko balayal’ fa tomren ni aw e yal’, ma bay e gonop riy ni ngam marow ni lol’agruw ara boch e girdi’. Ngam pared ko kanawo’ ni bay e tamilang ma gathi goo gimew fa gimed. Ngam machib u yu gin ni damu rus. Nge siy e yu gin ni de fel’ u tomren ni aw e yal’.—Prov. 22:3.
6. Mang angin nrayog ni nge yib ngom ni ngam un ko machib ko mathigyal’ nge balayal’?
6 Faan gad ra un ko machib ko mathigyal’ nge balayal’ ma rayog ni ngad uned ko piin ni pioneer ni ayuw nge pi regular pioneer. (Rom. 1:12) Rayog ni ngam thiliyeg e schedule rom ni ngam un ko machib ko ngiyal’ nem?