Deer

◼ Susun uw rogon e nga nog e bin som’on e tang ko muulung ni Theocratic Ministry Skul, Service Meeting, Welthin ni Fan ko Yoor, nge Fol Wulyang Ntagil’ E Damit, ma mini’ e susun ni nge rin’?

Yima tay e namba ko tang ni bin som’on e tang ni ngan non’ ko Theocratic Ministry Skul u lan e Theocratic Ministry Skul Schedule ni bay ko October Machib Rodad ni Fan ko Gil’ilungun Got. Yima tay e namba ko tang ni bin som’on nge bin tomur e tang ni yira yon’ ko muulung ni Service Meeting ko page 2 ko Machib Rodad ni Fan ko Gil’ilungun Got. Maku, pi tang ni yira yon’ ko muulung ni Fol Wulyang Ntagil’ E Damit e bay ko page 2 ko ra reb e Wulyang Ntagil’ E Damit. Pi tang ni kan dugliy e aram bang e muulung me ere fare walag nra gagiyegnag e muulung e susun ni nge yog e tang ma gathi faen ni chairman ko muulung ni kan tay u m’on riy.

Fare Theocratic Ministry Skul overseer e ra pining e magar ngak e girdi’, ma ra yog e bin som’on e tang, ma ra fl’eg e skul, ma aram ma ra pining fare walag nra pi’ e bin som’on e welthin ko muulung ni Service Meeting. Fare walag nra pi’ e welthin ko Service Meeting e ra yog e tang nra tababnag e muulung ni Service Meeting.

Ku aram rogon nra rin’ e chairman ko muulung ni Welthin ni Fan ko Yoor. Ra pining e magar ngak e girdi’ ni kar bad ko muulung ma ra piningrad nga ron’ed e bin som’on e tang ni ke mel’eg faen nra pi’ e welthin. Fare chairman (ara reb e walag ni kan dugliy u m’on ko muulung) e ra fek e meybil. Ra tamilangnag e chairman fithingan fare walag nra pi’ e welthin nge kenggin e welthin. Tomren e welthin ma ra pining fare chairman e magar ko thin ni ke tamilangnag, machane dabi weliy e thin rok u murung’agen e welthin ni kan pi’. Ma ra weliy kenggin e welthin ni fan ko yoor ni yira pi’ ko bin migid e wik, ma ra pining urngin e girdi’ ni ngar pired ko muulung ni Fol Wulyang Ntagil’ E Damit. De t’uf rok e chairman ni nge fith ngak e girdi’ nfaanra yad baadag ni nge fek faen ni ke pi’ e welthin e t’ufeg rorad ko ulung rok. Bin migid, fare chairman e ra pining fare walag nra conductnag e muulung ni Fol Wulyang Ntagil’ E Damit nge yib.

Fare walag nra conductnag e muulung ni Fol Wulyang Ntagil’ E Damit e ra yog e bin som’on e tang ko re muulung ney. Ma ra conductnag e muulung u rogon nib puluw ko thin ni ke tay e ulung nge mu’ ma ra yog e bin tomur e tang. Fare walag ni ke conductnag e muulung ni Fol Wulyang Ntagil’ E Damit e ra pining fare walag ni ke pi’ e welthin ni fan ko yoor ni nge fek e bin tomur e meybil.

Faanra ngan fol ko pi thin ney ma ra ayuweg i par e pi muulung rodad ni taareb rogon u ga’ngin yang u fayleng.