Deer

◼ Ba puluw ni ngad yoloyed e e-mail address rodad nga daken e pi babyor ni gad ma wereg fa?

Boch e girdi’ e kar ted mit e stamp ara label ni bay e e-mail address rorad nga daken e pi magazine nge tract ni yad be wereg ko girdi’. Ma aram e piin ni kar feked e babyor e rayog ni ngar yoloyed e thin ngak fare publisher me ning yugu boch e babyor. Yad be rin’ e re n’ey ni bochan e yad ba adag ni ngar ayuweged e girdi’. Machane, kan tay e Web site rodad u keru’ e pi magazine nge tract. Ere, ffel’ ni dab da ted e e-mail address rodad nga daken e pi babyor ni gad ma wereg.

Ra reb e publisher ma ir rok e nge turguy ni faanra nge pi’ e namba ko telefon ngak e girdi’ u lan e territory ya nge nang e ngiyal’ ni nge sul ngorad. Susun ni ngad sulod ngak e girdi’ ni ba adag e machib ma dab da paged ni nge mil fan ngorad ni ngar ninged ngan machibnagrad. Ri rayog ni ngad micheged ni gad ba adag ni ngad ayuweged yad ngad mada’gad.