“Uw Urngin e Awa ni Nggu Yoloy nga But’?”

Ka am fith e re deer ney bayay, fa? Bay boch e thin nrayog ni ngan fol riy ko Machib Rodad Ni Fan Ko Gil’ilungun Got ko December 2006 nge fare thin ni kenggin e Deer ni bay ko fare Machib Rodad Ni Fan Ko Gil’ilungun Got ko September 2008. Bochan nib thilthil rarogodad, ma danir pi’ ba ulung i motochiyel ni ngad folgad riy. Ere de fel’ ni ngki sunmiy e piin piilal ara yugu boch e walag boch ban’en ni ngan fol riy ni bay rogon ko re n’ey.

Faanra ke sum e deer ko re n’ey, ma dariy e babyor rodad ni be weliy rogon ni ngan rin’, ma ra reb e walag ma nge fith ir ni nge gaar: Kug fanay e re tayim nem ni fan ko machib, fa kug fanay ni nggu rin’ boch ban’en ni dariy rogon ko machib? Pi n’en ni gad ma yoloy ko report rodad u gubin e pul e susun ni ngad felfelan’gad ngay ma gathi nge magawonnag e nangan’ rodad. (Acts 23:1) Riyul’ ni n’en ni nge m’on u wan’dad e gathi urngin e tayim ni kad fanayed ko machib ya rogon ni ngad fanayed e tayim rodad nib fel’ rogon ni fan ko machib, ma gad rin’ u fithik’ e pasig.​—Heb. 6:11.