Gur, Thingar Mu Tal?

Nap’an ni yibe machib, ma boch e walag e kar dugliyed e tayim ni ngar talgad riy, ni sana u nap’an ni ke misiw’. Riyul’ ni bay boch e girdi’ ni kar ted e tayim ni ngar talgad ko machib, ya bochan ni bay e magawon rorad. Machane gur, ga ra tal ko machib ni bochan ni bay boch e girdi’ e kar talgad ara bochan ni ireray ban’en ni yima rin’? Tomuren e machib u mit e tabinaw i yan ma ku rayog ni ngam fanay in e minit ni ngam machibnag e girdi’ ni yoor, ni bod e machib u kanawo’? Rayog ni ngam sul ngak taareb ara l’agruw e girdi’ ni kam machibnagrow kafram u m’on ni ngam sul ko tabinaw rom? Mu lemnag nri gab tow’ath nfaanra kam pirieg be’ ni baadag e machib ara kam pi’ boch e magazine ngak e girdi’ ni yad be yan u kanawo’! Faanra dariy fan ni ngam tal nib papey, mab fel’ ni ngkum fanay in e minit i rin’ e re maruwel ney, ma aram e gad be yoornag e “maligach rodad” ngak Got.​—Heb. 13:15.