Gur, Rayog ni Ngam Pining Be’ ni Nge Un Ngom?

Boor e ulung ni bay e pi walag riy ndabiyog rorad ni ngar thognaged boor e awa nbochan nib gel e m’ar rorad ara kar pilibthirgad. (2 Kor. 4:16) Gur, rayog ni ngam pining bagayad ni nge un ngom ko Bible study rom? Faanra bay reb e walag nib mo’maw’ rok ni nge un ko yan nbochan e m’ar rok, ma rayog ni ngam marow e study rom nga tafen e re walag nem ngam filed e Bible u taabang. Rayog ni nge un reb e walag ngom nib m’ar, machane ku rayog ni nge un buchuuw ko yan ngam marow nga in e tabinaw u nap’an e machib ara ngam guyew taareb ara l’agruw e return visit. Boor e walag ni kar pilibthirgad ni boor ban’en ni yad manang u murung’agen e machib. Ere gathi kemus ni ga be pi’ e athamgil nga lanin’rad ya ku ra yib e athamgil nga lanin’um. (Rom. 1:12) Ga ra rin’ ni aray rogon, ma ra tow’athnagem Jehovah.​—Prov. 19:17; 1 John 3:17, 18.