Mu Pining e Sorok ngak Jehovah u Fithik’ e Felfelan’ u Daken e Tang

Nap’an ni immoy Paul nge Silas u kalbus ma ur piningew e sorok ngak Jehovah u daken e tang. (Ac 16:25) Pi tang ni ur ron’ew e ba mudugil ni pi’ e athamgil nga lanin’row. Ere uw rogodad e ngiyal’ ney? Pi tang ni gad ma yon’ u nap’an e muulung nge pi tang ni kan fek ko broadcast e rayog ni nge pi’ e athamgil nga lanin’dad, me ayuwegdad ni ngad pared ni gad ba yul’yul’ u nap’an ni gad ra mada’nag e skeng. Maku reb riy e, pi tang ney e ma pining e sorok ngak Jehovah. (Ps 28:7) Aram fan ni kan pi’ e athamgil nga lanin’dad ni ngad filed nge mit e thin ko pi tang ney ngodad. Ere gur, kam gay rogon ni ngam rin’ e re n’ey? Rayog ni ngad filed e pi tang ney mad gayed rogon ni nge mit ngodad u nap’an e fol Bible ni tabinaw.

NGAN YALIY FARE VIDEO NI KENGGIN E CHILDREN PRAISE JEHOVAH IN SONG, NGEMU’ MIN WELIY E FULWEG KO PI DEER NI BAARAY:

• Mang angin ngodad fapi tang ni gad ma yon’ u nap’an e muulung?

• Uw rogon ni ma fal’eg e Department ko Video nge Audio rogon ni ngan recordnag boch e tang?

• Uw rogon ni fal’eg e piin bitir nge chon e tabinaw rorad rogorad ko pi tang ni ngan recordnag?

• Mang boch e tang ni gad ma yon’ u nap’an e muulung nri ga baadag, ma mang fan?