U Lan E Re Ke Babyor Ney

Uw urngin ban’en ni kam micheg ngak Jehovah? Ga be lemnag ni ka ga be tay u gil’ e pi n’en ni kam micheg u rogon nrayog rom, fa? Ma uw rogon e n’en ni kam micheg u nap’an ni kam ognag e yafos rom ngak Got nge n’en ni kam micheg ngak e en mabgol rom? Gal article ney e gad ra fil riy rogon nrayog ni ngad folwokgad rok Jefthah nge Hannah nra tew u gil’ e n’en nra michegew. Re n’ey e ra ayuwegdad u rogon ni ngad ted u gil’ e n’en ni kad micheged ngak Got.

Ba ga’ ni gad ma lemnag murung’agen e pi n’en nra pi’ Jehovah ngodad u Paradis. Machane, re article ney e gad ra weliy riy murung’agen e pi n’en ni bayi chuweg Jehovah boch nga m’on. Mang e ra chuweg ya nge yag ni ngongliy rogon e re fayleng ney ni nge par nib gapas ma bay e felfelan’ riy? Gad ra fal’eg i lemnag e fulweg ko re deer ney, ma rayog ni nge gelnag e michan’ rodad miki ayuwegdad ni ngad dugliyed u wan’dad ni ngad athamgilgad.

Faanra gad be lemnag ni bay ban’en ni ke buch nde mat’aw ara gad be lemnag ni bay ban’en ni kan rin’ ngodad nde mat’aw, ma rayog ni nge mo’maw’ rogon ni ngad pared nib gel e michan’ rodad, mab sobut’an’dad, ma gad ba yul’yul’. Gal article ney e be weliy murung’agen dalip ni’ u lan e Bible nra ayuwegdad ni ngad folwokgad u rogon ni ma lemnag Jehovah e tin nib mat’aw ban’en.

Yugu aram rogon nde t’uf e ayuw rodad rok Jehovah, machane ma felfelan’ u nap’an nra guy ni gad be un i tayfan mat’awun e gagiyeg rok. Judges ko guruy ni 4 nge 5 e be weliy ni ma felfelan’ Jehovah u nap’an nra guydad ni gad be fol ko pi fonow rok nib m’agan’dad ngay.