Ngan Ayuweg e Girdi’ Ngar Tedan’rad ko “Fare Tamilang ko Girdi’ nu Fayleng”
1. Mang fare tamilang ni kan yiiynag ko Thin Rok Got, ma mang e n’en ni ma ayuweg e girdi’ ngar guyed e re tamilang ney?
1 I yiiynag Jehovah u daken Isaiah ni profet ni gaar: “Girdien fare nam ni uranod u fithik’ e lumor e kar guyed ba tamilang ni ba ga’ ramaen! Ur pired u lan ba nam u fithik’ e rumug ni yam’, machane chiney e ke gal e tamilang nga dakenrad.” (Isa. 9:2) Kan guy fare “tamilang ni ba ga’ ramaen” u daken e pi n’en ni rin’ Jesus Kristus ni ir Fak Got. Pi n’en ni i ngongliy u fayleng nge flaab ni yib ni bochan e maligach ni pi’ e ke ayuweg e girdi’ ngar chuwgad u fithik’ e lumor ko tirok Got ban’en. Tamilang ni aram rogon e aram e n’en nib t’uf ko girdi’ ko ngiyal’ ney ni bay ko lumor. Fare Abich Rok Somol e aram e ngiyal’ ni rayog ni ngad pininged e girdi’ ngar tedan’rad ko “fare tamilang ko girdi’ nu fayleng.” (John 8:12) Fa binem e duw ma bokum milyon e girdi’ ni kar daged ni ke mich u wan’rad ya kar folgad ko n’en ni tay Jesus chilen ni gaar: “Um rin’ed e re n’ey ngi i pugurag ngomed.” (Luke 22:19) Be chugur iyib fare Puguran ko re duw ney me ere uw rogon nrayog ni ngad ayuweged e girdi’ ngar tedan’rad ko fare tamilang ni n’igin Jehovah nge gal ramaen?—Fil. 2:15.
2. Uw rogon nrayog ni ngad gelnaged rogon ni gad ma tay fan fare maligach ni biyul’ ma mang angin nra yib ngodad?
2 Ngan N’igin nge Taw nga Gum’erchaey: Fare ngiyal’ ko Puguran e aram e ngiyal’ ni ngan fl’eg i lemnag fene gel e t’ufeg ni dag Jehovah nge Jesus ya kar piew fare biyul’ ni fan ko girdi’. (John 3:16; 2 Kor. 5:14, 15) Faanra gad ra rin’ ni aram rogon ma dabi siy ni ra gel rogon ni gad ma tay fan e re ngiyal’ ney nib thothup. Urngin e girdi’ rok Got e ra adag ni ngar ted boch e tayim ni ngar bieged mar fl’eged i lemnag fare Memorial Bible Reading ni bay ko fare babyor ni Examining the Scriptures Daily. Ngad lemnaged felngin Got ni kan tamilangnag u daken fare biyul’, ma aram ma gad ba falfalan’ ni ir e Got rodad. Ngan fl’eg i lemnag ko mang fan ngodad fare biyul’ ma ra gelnag rogon fene t’uf Got nge Fak rodad ma ra k’aringdad ni ngad athamgilgad ni ngad rin’ed e tin nib m’agan’ Got ngay.—Gal. 2:20.
3. Uw rogon nrayog ni ngad daged ni gad ma tay fan fare Puguran?
3 Faan ra gel rogon ni gad ma tay fan e n’en ni pi’ Jehovah ni ngad thapgad ngak ma rogon ni gad ba pasig i un ko re Madenom ney e ra pi’ e athamgil nga laniyan’ e piin ni gad ma pining ngar uned ngay ni pi Bible student rodad nge girdi’ rodad, nge piin buguli yoror rodad, nge pi schoolmate rodad, nge piin ni gad ma maruwel u taabang. (Luke 6:45) Me ere ngad athamgilgad ni ngad pininged urngin e pi girdi’ nem ma ngan pi’ e babyor ni Memorial invitation ngorad ndabra paged talin. Boch e girdi’ ma dubrad ni ngar paged talin e girdi’ me ere yad ma yoloy nga but’ fithingan urngin e girdi’ ni ngar pininged ko Puguran, ma gubin e duw ma yad ma uneg boch e girdi’ ngay. Ngan yarmiy nrogon ma ngan pasig i pining e girdi’ ngar uned ngay e aram e kanawo’ ni ngad pininged e magar ku Jehovah Got ko “tow’ath ni ke pi’ ngodad ndabiyog puluwon!”—2 Kor. 9:15.
4. Mang e ra ayuwegdad ni nge yoor e machib ni gad ra tay ko March nge April?
4 Nge Yoor e Machib ni Ngam Tay: Rayog ni nge yoor e machib ni ga ra tay ko March nge April? Ra flaabnag Got e athamgil ni ngan tay ni ngan wereg “fare thin nib fel’ u murung’agen Kristus.” Jehovah i Ir Tapgin urngin e tamilang nib spiritual ma ke tay chilen ni gaar: “Nge m’ug e tamilang u fithik’ e lumor!” (2 Kor. 4:4-6) Rogon nib t’uf ma ra yarmiy e pi piilal ni ngan muulung ni fan ko machib u yugu boch e ngiyal’ nge yu gin ma yad ra athamgil ni ngar uned ko machib nib n’uw boch nap’an. Rayog ni ngan un ko machib u kanawo’ nkakadabul ara ngan yarmiy ni ngan machib ko business territory ara telefon ko mathigyal’ fa balayal’. N’en nra ayuweg nge yoor e machib ni ngam tay ma ngam nameg in e awa ni ngam tay ko machib ma ngam athamgil nib gel ni ngam rin’. Boor e girdi’ ma rogon ni yad ma pi’ e tin nth’abi fel’ rorad ku Got e ngar uned ko pioneer ni ayuw.—Kol. 3:23, 24.
5. Uw rogon ni be yib angin ko girdi’ ni bochan e ke lich e awa ni ngan tay ko pioneer ni ayuw?
5 Rayog ni Ngam Un ko Pioneer ni Ayuw? Medlip e duw ni ke yan ma kan lichnag e awa ni ngan tay ko pioneer ni ayuw. Ere ke yog ko boor e girdi’ ni ngar uned ko flaab ko pioneer ni ayuw. Kam un ngay fa? Boch e girdi’ ma yad ma rin’ u gubin e duw. Boor e ulung ma boor e publisher ni yad ma un ko re maruwel ney u taabang, ma aram ban’en nib ga’ fan ko maruwel ko ulung u gubin e duw. Rayog ni ngam un ko pioneer ni ayuw u nap’an e ngiyal’ ko Puguran? Fare pul ni April e mmanigil ya bay lal’ e weekend.
6. Mang boch ban’en nib fel’ ni kan yarmiy?
6 Ra yib fare circuit overseer u nap’an e pul ni March ara April? Rayog e flaab ngom. Rogon ni kan nog faram ma nap’an e duw ni 2006 ma urngin e pioneer ni ayuw u nap’an e pul ni bay e circuit overseer visit e rayog ni ngar uned ko bin som’on guruy ko muulung ko pioneer u nap’an e wik ko re visit nem. Dabi siy ni re muulung ney e ra gelnag e pi pioneer ni ayuw ko tirok Got ban’en mi yad athamgil ni ngar uned ko regular pioneer. Maku, nap’an e pul ni March ma gad ra falfalan’ ni ngad ayuweged e girdi’ ngar uned ko tamilang nib spiritual u daken e pi babyor ni Knowledge That Leads to Everlasting Life ara Rayog ni Ngam Par ni Gab Fas u Paradis u Fayleng. Mang ni dabmu nameg ni ngam tababnag e Bible study?
7, 8. (a) Mang e ra ayuwegdad ngad fl’eged e schedule ko pioneer ni ayuw? (b) Uw rogon nrayog ni nge maruwel e tabinaw u taabang, ma mang angin nra yib ko urngin e girdi’ ko tabinaw?
7 Nap’an ni ngam lemnag ko uw rogon ni ngam taw ko 50 e awa ko pioneer ni ayuw, ma ngam turguy ko bin ngan e schedule ni ngam fol riy ma rayog ni ngam tay ragag nge l’agruw e awa u gubin e wik ni ngam tamilangnag e thin nriyul’. Ngam non ko piin ni kar rin’ed nge yugu boch e girdi’. Sana ga ra pi’ e athamgil nga lanin’rad ma yad ra un ngom. Pi publisher ni kar taufegad ni piin nib ilal nge fel’ yangaren ma kar fl’eged rogorad ma de mo’maw ni ngar rin’ed e re n’em. Ngam meybil u murung’agen. Ma faanra rayog ma ngam fl’eg rogon ni ngam un ko pioneer ni ayuw.—Mal. 3:10.
8 Boor e tabinaw ma kar pirieged ni faanra yad ra athamgil u taabang ma rayog ni nge un reb e girdi’ ko tabinaw ko pioneer ni ayuw. Bay reb e tabinaw ma kar turguyed ni yad gubin ni lal’ e girdi’ ni kar taufegad e ra un ko pioneer ni ayuw. Ma bay l’agruw e bitir ni dawora unew ko taufe ma ke yoor e tayim ni kar tew ko machib. Mang boch e flaab ni yib ko re tabinaw nem ko athamgil ni kar ted? Kar yoloyed ni gaar: “Aram e pul ni rib fel’ ma ke gel e tabinaw romad ni bochan. Gamad ma pining e magar ku Jehovah ko re flaab ney nib fel’!”
9. Uw rogon nrayog ni ngad n’igined nge gal ramaen e tamilang u nap’an e ngiyal’ ko Puguran?
9 Machib ni gad ra tay ko March nge April e ra ayuweg ngad chugurgad ngak Chitamangidad nu tharmiy fa? Aram e ra tor nga daken e athamgil ni gad ra tay ni nge gel rogon nib t’uf Got rodad nge Fak ma nge yoor e machib ni gad ra tay. Nge mudugilan’dad ni bod fa en ni yoloy e thin ko Psalm ni gaar: “Gu ra pining e sorok ku Jehovah u l’ugunag, ma gu ra n’uf u fithik’ e girdi’ ni boor.” (Ps. 109:30) Ra flaabnag Jehovah e athamgil ni gad ra tay ko machib u nap’an e ngiyal’ ko Puguran. Ere ngad n’igined nge gal ramaen e tamilang ni rayog ko boor e girdi’ ngar chuwgad u fithik’ e lumor ma nge yog ngorad e “tamilang ko yafos.”—John 8:12.