Boch Ban’en ni Yibe Puguran ni Fan ko Convention

Nap’an ni gad ra un ko convention ma gad baadag ni ngad daged nib t’uf Got rodad nge en nib migid ngodad ni ku bod rogon ni gad ma rin’. (Mt 22:37-39) Bin taareb e Korinth 13:4-8 e be weliy rogon ni ngan dag e t’ufeg ni be gaar: “En nib t’uf Got rok nge girdi’ e ba gum’an’ ma ba gol; . . . en nib t’uf Got rok nge girdi’ e de kireb daken, ara ke mus ni ir e ma lemnag ir, ara ba papey e damumuw ngak; . . . Rogon ni gadad ba t’uf rok Got nge rogon nib t’uf Got rodad nge girdi’ e ban’en nra par ndariy n’umngin nap’an.” Nap’an ni ga ra yaliy fare video ni kenggin e Convention Reminders, mag lemnag boch e kanawo’ nrayog ni ngam dag e t’ufeg riy ngak boch e girdi’ u nap’an e convention.

UW ROGON NRAYOG NI NGAD DAGED E T’UFEG . . .

• u nap’an ni ngad ted e chiya ni ngad pared riy?

• u m’on ni nge tabab e musik u tabolngin e program?

• ko gin ni gad ra par riy u nap’an e convention?

• u nap’an ni ngad ognaged gadad ni ngad pied e ayuw?