Ngad Mon’oggad ko Machib​—Ngan Machibnag Gubin e Girdi’ ko Gin ni Gad Ma Machib Riy

FAN NIB GA’ FAN: Ke yiiynag Zekariah nra adag boor e girdi’ ko urngin mit e thin ko pi nam ni ngar motoyilgad ko fare thin nib fel’. (Zek 8:23) Machane, mini’ e ra fil e re thin ney ngorad? (Ro 10:13-15) Gadad ba tow’ath ya ba milfan ngodad ni ngad filed e re thin nib fel’ ney ko girdi’ ni yad be par ko gin ni gad ma machib riy.​—od-E 84 ¶10-11.

ROGON NI NGAN RIN’:

• Mu fal’eg rogom u m’on riy. Ga ma mada’nag boch e girdi’ nib thil e thin rorad, fa? Rayog ni ngam fanay e JW Language app ni ngam fil rogon ni ngam machibnag e pi girdi’ ney. Ara reb e, rayog ni ngam fanay e cellphone ara tablet rom ni ngam dag ngak faen ni kam mada’nag rogon ni ngki yag boch e babyor ngak ni bay ko fare website rodad ni jw.org ni thin rok

• Mu fal’eg i yaliy e girdi’ ko gin ni ga be machib riy. Faanra ga be machib u mit e tabinaw miki mab boch e kanawo’ ngom nrayog ni ngkum machibnag yugu be’, ma dab mu siyeg ni ngam machibnag e piin ni kam mada’nagrad u kanawo’ ara yad bay u karrow rorad. Faanra ga be machib ko yungi n’en ni ma muulung e girdi’ ni yoor ngay, mag tiyan’um ko n’en ni ga be nameg ni aram e ngam machibnag e girdi’

• Mu tiyan’um ko machib. Mu guy rogon ni ngam mada’nag e piin nde yag ni ngam mada’nagrad u tabinaw rorad ko yay nsom’on. Mu guy rogon ni ngam non ngak be’ ko pi tabinaw ni ga be yan riy ko machib. Rayog ni ngam rin’ e re n’ey nsana ngam thilyeg e tayim nge rran ni ngam man ko pi tabinaw nem. Ku bay yugu boch e girdi’ nib t’uf ni ngam guy rogon ni ngam non ngorad ni aram e ngam yol ngorad, ara mu callnagrad, ara mu guy rogon ni ngam machibnagrad u kanawo’

• Mu guy rogon ni ngaum sul ngam guyrad. Faanra kam mada’nag be’ ni baadag e machib, mag sul nib papey ngam guy. Ma faanra kam mada’nag be’ ni ma thin u yugu reb e nam, mag gay be’ ni manang e thin rok nrayog ni nge ayuweg. Machane, ka ga ra ulul ni ngam sul ni ngam guy nge mada’ ko ngiyal’ ni ke yag ni nge yib e re walag nem i ayuweg.​—od-E 94 ¶39-40

NGAN YALIY FARE VIDEO NI KENGGIN E PREACHING IN “THE MOST DISTANT PART OF THE EARTH,” NGEMU’ MIN WELIY E FULWEG KO PI DEER NI BAARAY:

• Mang boch ban’en ni rin’ e pi walag u m’on riy ya nge yag ni ngar nonad ngak e girdi’ ni ur machibnaged ko pi binaw ni fin munmun min yan ngay ko machib? (1Ko 9:22, 23)

• Mang boch e magawon ni ur gayed rogon ni ngar gelgad ngay?

• Mang boch e tow’ath ni ur felfelan’gad ngay?

• Uw rogon nrayog ni ngam athamgil ni ngam non ngak yooren e girdi’ ko gin ni ga ma machib riy?