Kan Yarmiydad ni Ngad Machibnaged Gubin e Girdi’

Ke yarmiy Jehovah e girdi’ rok e ngiyal’ ney ni ngar rin’ed e n’en nib m’agan’ ngay ni bod rogon piyu Israel kakrom. Pi branch ofis, nge yu ulung i walag ni yad ma machib u taabang, nge pi circuit u ga’ngin yang e fayleng e yad be maruwel u taabang ya nge yag ni ngan machibnag fare thin nib fel’. Gad ma machibnag urngin e girdi’ nib muun ngay e piin nib thil e thin rodad.​—Re 14:6, 7. 

Kaam lemnag ni ngam fil yugu reb e thin ya nge yag nim ayuweg be’ ni nge nang e tin riyul’, fa? Mus ni faanra dariy e tayim rom ni ngam fil yugu reb e thin nge mit ngom, ma rayog ni ngam fanay fare JW Language app ni ngam fil ban’en nib mom nrayog ni nga mog ngak be’ u nap’an e machib. Tomuren ni ke yag ni ngam fanay e re n’ey u nap’an e machib, ma ga ra felfelan’ ni bod rogon e pi walag ko bin som’on e chibog nra felfelan’gad ni ke yag ni nge rung’ag girdien yugu boch e nam ko thin rorad “murung’agen e pi n’en nib sorok Got ni ke ngongliy.”​—Ac 2:7-11.

NGAN YALIY FARE VIDEO NI BECOME JEHOVAH’S FRIEND​—PREACH IN A FOREIGN LANGUAGE, NGEMU’ MIN PI’ E FULWEG KO PI DEER NEY:

• 

  Mingiyal’ e rayog ni ngam fanay fare JW Language app?

• 

  Mang boch ban’en ni bay riy?

• 

  Mang yugu boch e thin ni ma yog e girdi’ ko gin ga ma machib riy?

• Mang e susun ni ngam rin’ ni faanra kam mada’nag be’ nib thil e thin rok ni baadag ni nge nang murung’agen fare thin nib fel’ ni gad ma machibnag?​—od-E 100-101 ¶39-41