Ke Machibnag Jesus Be’ nib Pin nu Samaria

4:6-26, 39-41

Mang e k’aring Jesus ni nge machib u fithik’ e sabethin?

• 4:7​—Som’on ni non ngak fare pin nu Samaria me de weliy ngak murung’agen Gil’ilungun Got ara yog ngak ni ir fare Messiah, ya yog ngak ni nge pi’ boch e ran ni nge unum

• 4:9​—De dugliy boch ban’en u rarogon fare pin nu Samaria ni bochan e re nam ni be’ riy

• 4:9, 12​—Nap’an ni tabab fare pin ni nge weliy e pi n’en nib ga’ ni yima weliy murung’agen nde taareb laniyan’ e girdi’ ngay, machane de pag Jesus e re n’ey ni nge chafeg laniyan’ nga orel ko n’en ni be gay rogon ni nge weliy ko fare pin.​—cf-E 77 ¶3

• 4:10​—Ke tabab ni nge weliy ba fanathin ngak ni bay rogon ko n’en ni ma rin’ u reb e rran ngu reb

• 4:16-19​—Yugu aram rogon ni be par e re ppin nem nge be’ ni gathi mabgol rok, machane ke non Jesus ngak u fithik’ e tayfan

Uw rogon ni be tamilangnag e re n’ey rogon feni ga’ fan ni ngan machib u fithik’ e sabethin?