Sáàmù

144 Ìyìn ni fún Jèhófà, Àpáta mi,+

Ẹni tó ń kọ́ ọwọ́ mi ní ìjà

Àti ìka mi ní ogun.+

2 Òun ni ìfẹ́ mi tí kì í yẹ̀ àti ibi ààbò mi,

Ibi gíga mi tó láàbò àti olùgbàlà mi,

Apata mi àti Ẹni tí mo fi ṣe ibi ààbò,+

Ẹni tó ń tẹ àwọn èèyàn lórí ba sábẹ́ mi.+

3 Jèhófà, kí ni èèyàn jẹ́, tí o fi ń kíyè sí i

Àti ọmọ ẹni kíkú, tí o fi ń fiyè sí i?+

4 Èèyàn dà bí èémí lásán;+

Àwọn ọjọ́ rẹ̀ dà bí òjìji tó ń kọjá lọ.+

5 Jèhófà, tẹ àwọn ọ̀run rẹ wálẹ̀ kí o sì sọ̀ kalẹ̀;+

Fọwọ́ kan àwọn òkè, kí o sì mú kí wọ́n rú èéfín.+

6 Mú kí mànàmáná kọ, kí o sì tú àwọn ọ̀tá ká;+

Ta àwọn ọfà rẹ, kí o sì mú kí wọ́n wà nínú ìdàrúdàpọ̀.+

7 Na ọwọ́ rẹ jáde látòkè;

Dá mi sílẹ̀, kí o sì gbà mí lọ́wọ́ omi tó ń ru gùdù,

Lọ́wọ́* àwọn àjèjì,+

8 Àwọn tí ẹnu wọn ń parọ́,

Tí wọ́n sì ń gbé ọwọ́ ọ̀tún wọn sókè láti búra èké.*

Màá kọ orin ìyìn* sí ọ, pẹ̀lú ohun ìkọrin olókùn tín-ín-rín mẹ́wàá,

10 Sí Ẹni tó ń fún àwọn ọba ní ìṣẹ́gun,*+

Ẹni tó ń gba Dáfídì ìránṣẹ́ rẹ̀ sílẹ̀ lọ́wọ́ idà tó ń pani.+

11 Dá mi sílẹ̀, kí o sì gbà mí lọ́wọ́ àwọn àjèjì,

Àwọn tí ẹnu wọn ń parọ́,

Tí wọ́n sì ń gbé ọwọ́ ọ̀tún wọn sókè láti búra èké.

12 Nígbà náà, àwọn ọmọ wa yóò dà bí irúgbìn kékeré tó máa ń tètè dàgbà,

Àwọn ọmọbìnrin wa yóò dà bí àwọn òpó igun tí wọ́n ṣe fún ààfin.

13 Oríṣiríṣi irè oko yóò kún àwọn ilé ìkẹ́rùsí wa;

Àwọn agbo ẹran wa yóò di ìlọ́po ẹgbẹ̀rún, wọn yóò sì di ìlọ́po ẹgbẹẹgbàárùn-ún.

14 Àwọn ẹran ọ̀sìn wa tó lóyún kò ní fara pa,* oyún ò sì ní bà jẹ́ lára wọn;

Kò ní sí igbe wàhálà ní gbàgede ìlú wa.