Ẹ Máa Dárí Jini

1. Jèhófà tipasẹ̀

Ọmọ rẹ̀ fìfẹ́ ṣètò

Láti dárí ẹ̀ṣẹ̀ wa jì,

Kó sì mú ikú kúrò.

Táa bá ti ronú pìwà dà,

Yóò dárí ẹ̀ṣẹ̀ wa jì

Lọ́lá ìràpadà Kristi,

La ńtọrọ ìdáríjì.

2. Aó rí àánú bẹ́ẹ̀ gbà,

Táa bá jọ Ọlọ́run wa

Táa ńdárí jini fàlàlà,

Táa ńfìfẹ́ àtàánú hàn.

Ká máa fara dàá fúnra wa,

Ká má ṣe foró yaró;

Ká máa bọlá fáwọn ará,

Ká fìfẹ́ ṣohun gbogbo.

3. Aláàánú ló yẹ kí

Gbogbo wa pátá máa jẹ́.

Kò ní jẹ́ ká níkòórìíra,

Kò ní jẹ́ ká máa ránró.

Táa bá ńfara wé Jèhófà,

Tó ní ìfẹ́ tó ta yọ,

Aó máa dárí jini lóòótọ́;

Aó fìwà jọ Ọlọ́run.