Ṣe Ìpinnu Tó Bọ́gbọ́n Mu Lórí Ọ̀rọ̀ Ọtí

Gbogbo àwa Kristẹni la gbọ́dọ̀ máa kó ara wa níjàánu tó bá dọ̀rọ̀ ká mutí. (Owe 23:20, 29-35; 1Kọ 6:9, 10) Tí Kristẹni kan bá pinnu láti mutí, ó gbọ́dọ̀ mu ún níwọ̀ntúnwọ̀nsì. Ó tún gbọ́dọ̀ ṣọ́ra kí ọtí má bàa di bárakú fún un, kó má sì mú àwọn míì kọsẹ̀. (1Kọ 10:23, 24; 1Ti 5:23) Bákan náà, kò yẹ ká máa ti àwọn míì láti mutí, pàápàá jù lọ àwọn ọ̀dọ́.

Ẹ WO FÍDÍÒ ERÉ OJÚ PÁTÁKÓ NÁÀ MÁ ṢE JẸ́ KÍ ỌTÍ DI ÌDẸKÙN FÚN Ẹ, KẸ́ Ẹ SÌ DÁHÙN ÀWỌN ÌBÉÈRÈ YÌÍ:

• Kí nìdí tó fi yẹ káwa Kristẹni máa pa òfin ìjọba mọ́ lórí ọ̀rọ̀ ọtí mímu?​—Ro 13:1-4

• Kí nìdí tí kò fi yẹ ká jẹ́ káwọn míì tì wá láti mutí?​—Ro 6:16

• Kí la lè ṣe láti yẹra fún ewu tó ní ín ṣe pẹ̀lú ọtí mímu?