“Kí Ìmọ́lẹ̀ Yín Máa Tàn”

1. Jésù pàṣẹ pé kí

Ìmọ́lẹ̀ wa tàn,

Bí oòrùn tí ńtàn fún

Gbogbo aráyé.

Ọ̀rọ̀ Ọlọ́run ńtan

Ìmọ́lẹ̀ ọgbọ́n.

Ká fìwà àtàtà gbé

Ìmọ́lẹ̀ rẹ̀ yọ.

2. Ọ̀rọ̀ Ìjọba Jáà

Ńtànmọ́lẹ̀ sọ́kàn,

Ó ńmú ìtùnú wá,

Fáwọn tó ńṣọ̀fọ̀.

Ìmọ́lẹ̀ Ọ̀rọ̀ rẹ̀

Ńjẹ́ ká ṣèfẹ́ rẹ̀;

Ọ̀rọ̀ olóore ọ̀fẹ́,

Ńmú kó mọ́lẹ̀ síi.

3. Iṣẹ́ àtàtà ńtan

Ìmọ́lẹ̀ sáyé,

Ó ńmú kọ́rọ̀ wa máa

Tàn bíi péálì.

Kí’mọ́lẹ̀ wa máa tàn

Báa ti ń ṣo’un tó tọ́,

Yóò sì mú kí iṣẹ́ wa

Máa wu Ọlọ́run.