Zaguíʼzinu tratadu: Ca diidxaʼ nacubi stiʼ Reinu núm. 38 lu beeu noviembre
1. Xi rinabadiidxaʼ binni ora gatiʼ ti binnilidxi, ne xi chigúninu para gacanenu laacabe lu beeu noviembre.
1 Intiica ni runi cré binni, nuu ti enemigu ni nabé runiná laa: laani nga guendaguti (1 Cor. 15:26). Stale binni rinabadiidxaʼ ximodo nuu ca binnilidxi ni maʼ guti ne pa zadxiña dxi gúʼyacaʼ laacabe sti biaje. Para ganda quixhedxinu ladxidóʼcabe la? lu guidubi Guidxilayú zaguíʼzinu tratadu Ca diidxaʼ nacubi stiʼ Reinu núm. 38 ni láʼ: «Ñee zanda guibani ca binni ni maʼ guti sti biaje la?». Zuzuluni 1 stiʼ noviembre ne zaguíʼzinu ni guidubi beeu ca. Guiluxe siʼ beeu riʼ maʼ zanda iquiiñenu ni para gucheechenu diidxaʼ cásica rúninu né xcaadxi tratadu.
2. Xiñee galán modo guyáʼ tratadu Ca diidxaʼ nacubi stiʼ Reinu núm. 38.
2 Modo guyáʼ ni. Zanda guzéʼchunu tratadu Ca diidxaʼ nacubi stiʼ Reinu núm. 38 riʼ neza nayuʼlaʼ ni. Lu primé yaza stini zeeda ti tema nabé sicarú ne laaca zeeda guendarinabadiidxaʼ riʼ: «Xi rábiluʼ, zanda la? qué zanda la? o zándaca». Ora guxheleʼ binni tratadu riʼ, zuundaʼ xi cusiene Biblia ne zanna ximodo gacaneni laa. Ne laaca zuuyabe ca razón ni cudiini para guni crebe cani zeeda lu Biblia. Ne lu últimu yaza stiʼ tratadu riʼ, zeeda sti guendarinabadiidxaʼ nabé sicarú ni zucaa laabe chuuláʼdxibe guiziidibe jma.
3. Ximodo zaguíʼzinu tratadu Ca diidxaʼ nacubi stiʼ Reinu núm. 38.
3 Modo quíʼzinu ni. Zaguíʼzinu tratadu riʼ cásica riguíʼzinu invitación ora maʼ chiguietenaláʼdxinu guendaguti stiʼ Cristu ne casi rúninu ora chigaca ti guendaridagulisaa de chonna gubidxa. Ca binnigola nga quixheʼ ximodo gaca dxiiñaʼ riʼ guidubi ra rucheechenu diidxaʼ, casi na carta 1 stiʼ abril 2013 ni gucuaacabe. Ca neza binni ridagulisaa ni qué gápapeʼ ra gucheeche diidxaʼ, zanda gacanecaʼ xcaadxi neza binni ridagulisaa ni nuu gaxha pa caquiiñecaʼ tu gacané laacaʼ. Ora guicaa cani rucheeche diidxaʼ tratadu, naquiiñeʼ guicaacaʼ biaʼ iquiiñesicaʼ ti semana. Pa guiaana tratadu stitu ora maʼ yegánnatu guiráʼ binni ni nuu neza ra rucheechetu diidxaʼ la? zanda quíʼzitu ni ca lugar ra jma riuu binni. Pa guirá ca tratadu stitu ante guiluxe beeu ca, zanda gusaananetu binni ca guiʼchiʼ ni nexheʼ iquiiñetu noviembre. Primé sábadu stiʼ beeu riʼ jma zacá íquenu gusaananenu binni tratadu riʼ que guzulú guidúʼndanenu laacaʼ Biblia. Laaca zusaananenu binni ca revista stinu sábadu ne domingu ora guidúʼyanu zanda gúninu ni. Dede nagasi maʼ naquiiñeʼ guidúʼyanu xi zanda gúninu para gacanenu gaca dxiiñaʼ risaca riʼ.