Modo zanda guni ca precursor regular para gusaacaʼ hora sticaʼ

Naquiiñeʼ quixhe chaahuiʼ binni tiempu stiʼ ne quixhe pora guiree serviciu ti ganda gaca precursor regular. Pa dieciocho hora nga rucheecheluʼ diidxaʼ guiráʼ semana la? zanda gácaluʼ precursor ne zapuʼ tiempu cheuʼ de vacación. Ne galán guni binni biaʼ hora ca purtiʼ málasi raca huará o laaca málasi ruchaa tiempu. Xagueteʼ riʼ zeeda ximodo zanda guni ca publicador ni runi dxiiñaʼ chonna gubidxa lu ti semana o guidubi semana ne cani huará o cani huaxiéʼ napa stipa. Pa quixhe chaahuitu tiempu stitu ne cani chigúnitu la? zándaca ziuu tuuxa de familia stitu ganda guzulú lu beeu septiembre riʼ. Galán pa guiniʼtu de laani ra gápatu adoración en familia sti biaje.