Ti bideu ni rusihuinni pabiáʼ ndiʼ risaca ni racalaʼdxiʼ ca doctor ca gúnicaʼ yanna

Ca doctor ca ne cani biindaʼ stale de ley ca la? yanna riʼ nabé cayuuyacabe de que naquiiñeʼ gaca respetar ca derechu stiʼ binni huará. Nga la? cucaani laacabe guyúbicabe ximódoruʼ zanda guianda binni, ne cani cadxélacabe ca zanda iquiiñeʼ ca testigu stiʼ Jiobá ni (Hech. 15:28, 29). Ndiʼ nga ni cusiene bideu ni láʼ Asistencia médica sin transfusiones. Necesidades y derechos del paciente. Biiyaʼ ni la? ne de racá bietenalaʼdxiʼ ni biziiduʼ. (Biiyaʼ: Cayábidu cani napa xiiñiʼ la? gápacaʼ cani nahuiiniʼ ca purtiʼ luni zeeda ra cayuni operárcabe.)

1) Xiñee cayuundaʼ ca doctor ca de guendaricá rini ca sti biaje. 2) Bizeeteʼ chonna operasión nagana ni guca sin rini. 3) Panda doctor na zuni operar binni huará sin rini. Xiñee nácabe zúnicabe ni. 4) Xi huahuinni lu cani maʼ biindacabe de iquiiñecabe rini ndaaniʼ gadxé gadxé hospital. 5) Gunáʼ ndiʼ ca riesgu ni nuu ora icácabe rini. 6) Xi riníʼ ca doctor ca yanna ra huayuuyacabe modo huayacané ucaacabe binni ca remediu ni cadi nuchaʼ rini. 7) Xi pur rapa binni anemia. Pabiáʼ ndiʼ zanda guni huantar binni chuʼ zacá. Xi zanda gaca ti ibigueta rini ca chuʼ galán. 8) Ximodo zanda guidale ca glóbulo xiñaʼ (eritrositos) ca lu rini stiʼ binni huará. 9) Xii nga cani caquiiñecabe yanna para cadi guxhiipeʼ binni rini ora gaca operar. 10) Zanda icá cani nahuiiniʼ ca sti remediu ni cadi nuchaʼ rini, ne ora cuxooñeʼ riesgu gáticabe la? 11) Xii ndiʼ ni naquiiñeʼ guni respetar ca doctor ca ora guni operárcabe binni huará. 12) Xiñee ndiʼ naquiiñeʼ guininu dede ante xi remediu ndiʼ zanda icanu para cadi ucaacabe rini laanu. Ximodo zanda gúninu ni.

Cada tobi nga naquiiñeʼ guni ni ná xquendabiaaniʼ casi modo maʼ biziidiʼ de lu Biblia pa guni cani gudiʼdiʼ lu bideu ca o coʼ. Maʼ guníʼ íqueluʼ xi remediu icaluʼ lii ne ca xiiñiluʼ la? Ca binnilídxiluʼ ni cadi Testigu la? laaca naquiiñeʼ gánnacabe xii nga racaláʼdxiluʼ ne xiñee (biiyaʼ ra cá «Preguntas de los lectores», lu La Atalaya 15 stiʼ junio ne 15 stiʼ octubre 2000).