Ti videu ni rusihuinni pabiáʼ risaca ni racalaʼdxiʼ ca doctor ca gúnicaʼ yanna

Ca doctor ne cani biindaʼ de ley la? nabé cayuuyacabe naquiiñeʼ nga aca respetar ca derechu stiʼ ti binni huará. Pur nga, cucaa ni laacabe uyúbicabe ximódoruʼ zanda guianda binni, ne cani cadxélacabe ca zanda iquiiñeʼ ca testigu stiʼ Jiobá cani (Hech. 15:28, 29). Ndiʼ nga ni cusiene videu ni láʼ Asistencia médica sin transfusiones. Necesidades y derechos del paciente. Biiyaʼ ni ne de racá bietenalaʼdxiʼ ni biziidiluʼ. Cayábidu cani napa xiiñiʼ, gápacaʼ cani nahuiiniʼ ca purtiʼ luni zeeda ra cayuni operárcabe.

1) Xiñee nuu doctor cazalaʼdxiʼ ganna pa dxandíʼ nga caquiiñeʼ icá binni rini. 2) Bizeeteʼ chonna operación ni nagana gúnicabe sin icá binni rini. 3) Panda doctor na zuni operar binni huará sin rini. Xiñee nácabe zanda gúnicabe ni yaʼ. 4) Lu iráʼ ni maʼ biindacabe de rini ca ndaaniʼ adxé adxé hospital, xi huahuinni de laani yaʼ. 5) Gunáʼ ndiʼ ca riesgu ni nuu ora icácabe rini. 6) Xi riníʼ ca doctor ca yanna ra huayuuyacabe modo huayacané udiicabe gadxé remediu binni lugar de nucaacabe laacaʼ rini. 7) Xi pur nuu stale binni qué gapa rini (anemia). Pabiáʼ ndiʼ zanda guni huantar binni chuʼ zacá. Xi zanda gaca ti ibiguetaʼ rini ca chuʼ galán. 8) Ximodo zanda idaleʼ ca glóbulo xiñá (eritrocitos) ca lu rini stiʼ binni huará. 9) Xii nga cani caquiiñecabe yanna para cadi guxhiipeʼ binni rini ora gaca operar. 10) Zanda icaa cani nahuiiniʼ ca sti remediu lugar de rini o pa binni ca cuxooñeʼ riesgu gática la? 11) Xii ndiʼ ni nabé risaca maʼ biziidiʼ ca doctor ca para ganda guni tendércabe binni huará jneza yaʼ. 12) Xiñee naquiiñeʼ ininu dede ante xi remediu ni qué gapa rini ndiʼ zanda icaanu yaʼ. Ximodo zanda gúninu ni.

Cada tobi nga naquiiñeʼ guni ni na xquendabiaaniʼ casi modo maʼ biziidiʼ de lu Biblia, pa guni cani udiʼdiʼ lu videu ca o coʼ. Maʼ uníʼ íqueluʼ xi remediu icaaluʼ lii ne ca xiiñiluʼ la? Ca binnilídxiluʼ ni cadi Testigu laaca naquiiñeʼ gánnacabe xii nga racaláʼdxiluʼ ne xiñee (biiyaʼ ra cá «Ni rinabadiidxaʼ cani ruundaʼ» [Preguntas de los lectores] stiʼ revista La Atalaya 15 stiʼ junio 2004 ne 15 stiʼ octubre 2000).