Ñee maʼ nánnaluʼ xi gúniluʼ pa málasi guizaacaluʼ xiixa desgracia la?

Zándaca órapeʼ cadi cabézanu málasi gueeda guizaacanu xiixa (Sant. 4:14). Peru binni nuu xpiaaniʼ la? riuu listu dede ante (Pro. 22:3). Ñee maʼ nánnaluʼ xi tratamientu guicaaluʼ ne ximodo zanda iquiiñeʼ ca doctor ca rini stiluʼ la? Ñee maʼ bicaaluʼ cani lu guiʼchiʼ la? Nuu ti videu ni zanda gacané lii gánnaluʼ xi zanda gúniluʼ, videu ca lani Asistencia médica sin transfusiones. Necesidades y derechos del paciente. Laani nga guiropa ndaa stiʼ DVD ni láʼ Alternativas a las transfusiones. Serie documental. Laga cayuuyaluʼ ni, bicabi ca guendarinabadiidxaʼ zeeda raríʼ. Cumu rihuinni ra cayuni operárcabe binni luni la? Nga runi, pa nápatu xiiñitu nahuiiniʼ, galán chuʼtu cuidadu laacaʼ ora maʼ cayuuyanetu laacaʼ videu ca.

1) Xiñee nuu doctor cazaalaʼdxiʼ ganna pa dxandíʼ nga caquiiñeʼ guicá binni rini. 2) Bizeeteʼ chonna operación nagana ni randa rúnicabe sin iquiiñecabe rini. 3) Xiñee stale doctor ne cirujanu nacaʼ zanda guni tendercaʼ o guni operarcaʼ binni sin iquiiñecaʼ rini. 4) Xi huadii ca doctor ca cuenta lu guiráʼ ni maʼ biindacaʼ de rini ndaaniʼ gadxé gadxé hospital. 5) Xi zándaca guizaaca binni pa guicá rini. 6) Xi huaníʼ ca doctor ca de modo huayacané xcaadxi tratamientu binni, lugar de gucaacabe rini laacaʼ. 7) Xiñee raca huará stale binni de anemia, ne ximodo zanda guibiguetaʼ rini stibe. 8) Ximodo zanda guidale ca eritrocito (glóbulo xiñáʼ) ca lu rini stiʼ binni huará. 9) Xii nga cani caquiiñecabe yanna para cadi guxhiipeʼ binni rini ora gaca operar. 10) Ñee zanda gacané sti clase tratamientu cani nahuiiniʼ ca lugar de guicacaʼ rini, o ti binni ni cuxooñeʼ riesgu gati la? 11) Xii nga ti cosa risaca riziidiʼ ca doctor ca para ganda guni tendercaʼ binni huará jneza.

Cada tobi nga naquiiñeʼ guiníʼ ique pa zuni o pa qué zuni ni gudiʼdiʼ lu videu ca, peru cadi naquiiñeʼ cuézaluʼ dede óraruʼ guizaacaluʼ xiixa desgracia nga gúʼyaluʼ xi zanda gúniluʼ. Capítulo 7 stiʼ libru Dios ni nadxii laanu ne xcaadxi tema ni cayábini lii gúʼndaluʼ ne Xhiiñaʼ Reinu ni Rúninu stiʼ noviembre 2006 zacanécani lii gánnaluʼ xi zanda gúniluʼ. Pa maʼ guyuunisaluʼ la? bicaa guiráʼ cani racaláʼdxiluʼ lu tarjeta DPA stiluʼ, ne guzané ni ratiica cheluʼ.

[Cuadru ni zeeda lu yaza 3]

Ñee maʼ nánnaluʼ xi tratamientu guicaaluʼ ne ximodo zanda iquiiñeʼ ca doctor ca rini stiluʼ la? Ñee maʼ bicaaluʼ cani lu guiʼchiʼ la?