Biziidiʼ stale ra gúʼyaluʼ videu La negativa a la sangre. La medicina acepta el reto

Ñee nánnaluʼ xi iráʼ clase remediu maʼ napa ca doctor ca yanna para guianda binni sin icá rini la? Ñee nannuʼ xii nga ca remediu ni nuu ti maʼ cadi iquiiñecabe rini la? Biiyaʼ videu riʼ ne zudiiluʼ cuenta pabiáʼ nannuʼ ra iquiiñeluʼ ca endarinabadiidxaʼ zeeda raríʼ. (Laguuyaʼ: Cayábidu cani napa xiiñiʼ gápacaʼ cani nahuiiniʼ ca, purtiʼ zeeda ra cayuni operárcabe luni.)

1) Unáʼ nga tobi de ca razón ni jma naroʼbaʼ ni napa ca testigu stiʼ Jiobá nga runi qué rinacaʼ icacaʼ rini, ne paraa cá ni lu Biblia. 2) Xii nga ni racaláʼdxinu ora chuunu ra nuu doctor. 3) Xii nga derechu ni risaca stale napa ti binni huará. 4) Xiñee napa tuuxa razón pa iníʼ qué zacá rini. 5) Ora tuuxa uxhii stale rini, xi chupa cosa naquiiñeʼ guni ca doctor ca nagueendaca. 6) Xi riesgu ruxooñeʼ tuuxa pa icá rini. 7) Xi zanda iquiiñeʼ ca doctor ca ti cadi uxhiipeʼ binni stale rini ora cayaca operar. 8) Xi naquiiñeʼ gánnaluʼ ora gábicabe lii de sti remediu ni zanda icaluʼ sin rini. 9) Ñee zanda aca binni ti operación ni indaa xadxí ne nagana sin iquiiñeʼ rini la? 10) Xii nga ni na stale doctor zúnicaʼ pur ca testigu stiʼ Jiobá, ne ximodo zándaca guni tendércabe iráʼ binni huará despué yaʼ.

Pa acaláʼdxinu ácanu remediu casi modo zeeda lu videu riʼ la? cada tobi de laanu naquiiñeʼ guni ni na xconciencia (laguuyaʼ xi na ca revista La Atalaya 15 stiʼ junio 2004, yaza 22-24, 29-31, ne 15 stiʼ octubre 2000, yaza 30, 31).