Ximodo nga jma jneza gacané doctor laanu guiándanu
«Ti modo jma galán para guni operárcabe binni nga cadi iquiiñecabe rini», zacá guníʼ ti doctor láʼ Michael Rose. Laabe rucaabe anestecia ne laaca ruuyabe dxiiñaʼ ni runi xcaadxi doctor ndaaniʼ ti hospital. Xi guiráʼ modo napa ca doctor ca para guni operarcaʼ ti binni sin iquiiñecaʼ rini. Naquiiñeʼ gánnanu ximodo rúnicabe cani ti guidúʼyanu pa racaláʼdxinu guni operárcabe laanu zacá. Biiyaʼ videu La negativa a la sangre. La medicina acepta el reto. De racá bicabi cani zeeda raríʼ ne biiyaʼ pa rietenaláʼdxiluʼ cani biiyaluʼ ca. Naquiiñeʼ gánnatu zeeda ra cayuni operárcabe binni lu videu riʼ, nga runi riquiiñeʼ gápatu cani nahuiiniʼ ca ora gúʼyatu ni.
1) Xi razón jma risaca napa ca testigu stiʼ Jiobá para cadi guicacaʼ rini. 2) Ximodo racalaʼdxiʼ ca testigu stiʼ Jiobá guiándacaʼ. 3) Xi derechu napa ti binni huará. 4) Xiñee cada tobi naquiiñeʼ cuiʼ ximodo guianda. 5) Ora tuuxa guxhii stale rini, xi chupa cosa naquiiñeʼ guni ca doctor ca nagueendaca. 6) Xi tapa cosa nga runi ca doctor ca para cadi gucaacaʼ binni rini. 7) Xi zanda guni ca doctor ca para 1) cadi guxhii binni ziaʼ rini, 2) cadi guníticabe ca glóbulo naxiñáʼ, 3) gucaacabe cuerpu stiʼ binni guni rini nagueenda, ne 4) guibiguetaʼ rini bixhii binni cayaca operarcaʼ. 8) Bisiene ximodo rusianda ca doctor ca binni ne 1) hemodilución ne 2) recuperación de sangre. 9) Xi naquiiñeʼ gánnaluʼ ora gabi ti doctor lii modo racalaʼdxiʼ gusianda lii. 10) Ñee zanda gaca operar ti binni sin iquiiñeʼ ca doctor ca rini neca guindaa operación ca ne gácani nagana la? 11) Xi cayuni ca doctor ca para cadi iquiiñecaʼ rini ora guni operarcaʼ.
Cada tobi nga naquiiñeʼ guni ni na xquendabiaaniʼ casi modo maʼ biziidiʼ de lu Biblia, pa guni cani gudiʼdiʼ lu videu ca o coʼ. Ñee maʼ guníʼ íqueluʼ modo racaláʼdxiluʼ gusianda ca doctor ca lii ne ca xiiñiluʼ la? Ca binnilídxiluʼ ni cadi naca Testigu naquiiñeʼ gánnacabe ximodo racaláʼdxiluʼ gusianda doctor lii ne xiñee racaláʼdxiluʼ guiándaluʼ zacá (biiyaʼ ni rizaané Xhiiñaʼ Reinu stiʼ beeu noviembre 2006).