Libru Xipeʼ ndiʼ cusiidiʼ Biblia: laani nga ti libru ni jma zaquiiñenu para usíʼdinu binni de Biblia
1 ¡Izáʼ biéchenu ora uníʼcabe biree libru Xipeʼ ndiʼ cusiidiʼ Biblia, lu Guendaridagulisaa de Chonna Gubidxa «Guzúʼbanu Stiidxaʼ Dios»! Ne laaca biéchenu purtiʼ ucuaanu ni sábadu ora biluxe endaridagulisaa que. Ximodo zanda iquiiñenu libru cubi riʼ yaʼ. Libru riʼ úcani para jma iquiiñenu ni ora acanenu binni iziidiʼ de Biblia. Lu beeu marzo nga chiguiree libru riʼ primé biaje lade ca libru ne revista ni zusaananenu binni beeu ca. Peru zanda uzulú cani rucheeche diidxaʼ iquiiñecaʼ libru riʼ nagueendaca para gúʼndanecaʼ binni de Biblia.
2 Ca binni ni maʼ cayúʼundanenu Biblia. Cani rucheeche diidxaʼ ni maʼ cayuundané binni libru Conocimiento o folletu Xi canabaʼ Dios lii guʼnuʼ la? naquiiñeʼ ganna chaahuicabe ximodo ne pora ndiʼ uzulúcabe guʼndanécabe binni libru cubi riʼ. Pa deruʼ bizulunu cayúʼundanenu laacabe la? zándaca jma jneza nga uzulú gúʼndanenu laacabe libru riʼ dede ra bizulú ni. Pa maʼ galaa libru Conocimiento ca ziuunu la? zanda uzulú gúʼndanenu laacabe libru Xipeʼ ndiʼ cusiidiʼ Biblia ra cá de ni caziidicabe lu libru Conocimiento. Ne pa mayaca ilúxecabe libru Conocimiento la? zanda gunduuxecabe ni.
3 Nanna dxíchinu zacané libru Xipeʼ ndiʼ cusiidiʼ Biblia riʼ iráʼ binni ni runibiaʼnu. Xiñee qué gábinu iráʼ binni pa zusíʼdinu laacaʼ de Biblia ne libru riʼ yaʼ. Casi cani maʼ biindanécabe laacaʼ folletu Xi canabaʼ Dios lii guʼnuʼ o libru Conocimiento peru qué ñanda ñuu nisa la? zándaca chuláʼdxicabe gúʼndanenu laacabe libru cubi riʼ. Cani napa xiiñiʼ, zanda iquiiñecaʼ libru riʼ para usiidicaʼ xiiñicaʼ ti gánnacabe xipeʼ nga racalaʼdxiʼ Dios gúnicabe (Col. 1:9, 10).
4 Ra guiuundaʼ sti libru. Ñee nuu sti libru zanda gúʼndanenu binni despué de gúʼndanenu laacabe libru Xipeʼ ndiʼ cusiidiʼ Biblia la? Nuu pue. Pa ni cayuundaneluʼ ca rihuinni ziziidi, neca nanene, ne rihuinni riuuláʼdxibe la? zanda gúʼndanenu laabe libru Adoremos al único Dios verdadero. Dxandipeʼ nga ne libru Xipeʼ ndiʼ cusiidiʼ Biblia zanda gúninu xhiiñanu de acanenu binni aca xpinni cristu (Mat. 28:19, 20).