Ndaa ra rinabadiidxaʼ

◼ Gunáʼ nga guiropaʼ libru ni zanda iquiiñenu para gusíʼdinu binni.

Libru ni jma riquiiñenu para guzulú gúʼndanenu binni Biblia nga libru Xipeʼ ndiʼ cusiidiʼ Biblia. Nga runi, neca zanda iquiiñenu ti libru, folletu o ti tratadu para guzulú gúʼndanenu binni la? jma jneza guyúbinu modo gúʼndanenu laacabe libru Xipeʼ ndiʼ cusiidiʼ Biblia. Xiñee yaʼ. Purtiʼ nabé cayacané libru riʼ binni.

Pa ni cayuundanenu ca gunduuxeʼ libru Xipeʼ ndiʼ cusiidiʼ Biblia ne racalaʼdxiʼ guiziidiʼ jma, zanda iquiiñenu libru Biʼniʼ adorar tobi lucha Dios ni dxandíʼ (Col. 2:7). Lu guiropa yaza stiʼ libru riʼ caníʼ xi para gúcani, nani: «Biblia cayabi guiráʼ cani nadxii Dios guiénecaʼ “pabiáʼ [...] gueteʼ, ne nasoo” nga guiráʼ ni rizíʼdinu lu Stiidxabe (Efesios 3:18). Libru riʼ gúcani para gacaneni lii guiéneluʼ cani. Ribézadu gacaneni lii guiniisiluʼ lu Stiidxaʼ Dios ne jma gánnaluʼ modo saluʼ lu neza stibe ti guicaaluʼ ti guendanabani ndaaniʼ guidxilayú chaʼhuiʼ ni chigudiibe laanu».

Pa chúʼnisa binni ni cayuundaneluʼ ca ante gunduuxeʼ guiropaʼ libru ca la? zándaruʼ gúʼndaneluʼ laabe despué de chúʼnisabe dede guiluxe guiropaʼ libru ca. Neca binni ca maʼ guyuunisa, ni cayuundané laabe ca zanda ugabaʼ hora biindané laabe, gucaa yeganna ne biindané binni ca. Pa chinebe sti ni rucheeche diidxaʼ ne guiníʼ ora maʼ cayuundanebe binni ca la? laaca zanda ugábabe tiempu stibe.