Xiñee qué guni invitarnu laacabe

Ndaaniʼ stale neza binni ridagulisaa nuu tu maʼ huaxiéʼ rucheeche diidxaʼ purtiʼ napa ti guendahuará ni maʼ qué rianda o pur maʼ nagola (2 Cor. 4:16). Pa zacá nuu chupa chonna xpinni Cristu ra ridagulisaanu, ñee zanda guni invitarnu laacabe para chinécabe laanu ora maʼ chigúʼndanenu ti binni Biblia la? Pa qué zanda guiree xpinni Cristu riʼ de ralidxi, ñee zanda chinenu binni ni ridúʼndanenu riʼ ralídxibe la? Nuu tiru zanda guni invitarnu ti Testigu ni huará para chigucheechené laanu diidxaʼ neca ti ratuhuiiniʼ si o para chinebe laanu ora maʼ chigúninu chupa revisita. Ca xpinni Cristu ni maʼ huaniisi nabé galán modo rucheechecaʼ diidxaʼ, nga runi, laaca zabeendunu stale cosa pa guiréʼnenu laacabe (Rom. 1:12). Naquiiñeʼ gánnanu zaguu Jiobá ndaayaʼ stipa ni gúninu ora uguʼnu gana ca Testigu riʼ ne ora gusihuínninu nadxiinu laacaʼ (Prov. 19:17; 1 Juan 3:17, 18).