Modo gucheecheluʼ diidxaʼ jma jneza: bisihuinni rizaaláʼdxiluʼ binni

Xiñee risaca gúniluʼ ni. Nabé bizaalaʼdxiʼ Jesús binni. Ti biaje bisiándabe ti hombre ni qué runadiaga ne cumu zándaca biiyabe cadxibi hombre que la? yenebe laa ti ladu ra cadi guʼyaʼ binni laacabe (Mar. 7:31-35). Biénebe ca discípulo stibe ne qué nusiidibe laaca stale cosa purtiʼ nánnabe pabiáʼ si zanda guiénecaʼ (Juan 16:12). Neca maʼ nuu Jesús guibáʼ dede yanna rizaaláʼdxibe binni (2 Tim. 4:17). Cani dxandíʼ xpinni Cristu rúninu stipa pur gúninu casi bíʼnibe (1 Ped. 2:21; 1 Juan 3:16, 18). Para ganda cueendunu ni galán ora maʼ canagucheechenu diidxaʼ, naquiiñeʼ guiénenu binni, gánnanu ximodo nuube, xi riuuláʼdxibe ne xi riguu xizaa laabe. Jma ziuuláʼdxicabe gucaadiágacabe laanu pa gúʼyacabe dxandíʼ rizaaláʼdxinu laacabe ne cadi ziuudinu ra lídxicabe para si guinínenu laacabe de stiidxaʼ Dios o para si gusaananenu laacabe xiixa publicación.