Ximodo iquiiñenu exhibidor para gucheechenu diidxaʼ
Ca mexaʼ ne ca exhibidor ni riquiiñenu para gucheechenu diidxaʼ cayacané cani stale binni nayá ladxidóʼ guiziidicaʼ de stiidxaʼ Dios (Juan 6:44). Nga runi, maʼ guluucabe gana ca binnigola quixhe chaahuicaʼ modo guireeche diidxaʼ ca lugar ra ridiʼdiʼ stale binni ni nuu lu territorio sticaʼ. Cumu zanda chinécabe ca exhibidor riʼ guiráʼ ladu la? cadi caquiiñepeʼ guinábacabe permisu ca xaíque guidxi. Tu zanda gucheeche diidxaʼ né exhibidor yaʼ. Ca publicador ni nanna xi guni ora guizaaca xiixa cosa, ni racu lari jneza ne ni randa ruiʼné binni diidxaʼ casi zeʼ. Yanna, guidúʼyanu caadxi cosa ni zanda gúninu ne ni qué zanda gúninu. Pa chinanda guiráʼ publicador ca conseju riʼ la? zacané cani laacaʼ cueenducaʼ ni galán ora gucheechecaʼ diidxaʼ né exhibidor.