Modo gucheecheluʼ diidxaʼ jma jneza: biquiiñeʼ folletu Ca diidxaʼ sicarú ni zeeda de Dios para guzulú gúʼndaneluʼ binni Biblia ra puertaʼ lidxi
Xiñee risaca gúniluʼ ni. Para gacanenu binni gaca xpinni Cristu la? naquiiñeʼ gánnanu gusíʼdinu (Mat. 28:19, 20). Guiranu zanda gácanu maestru ni nanna gusiidiʼ Stiidxaʼ Dios jneza pa iquiiñenu guiráʼ ni maʼ bidii xquidxi Dios laanu. Tobi de ca publicación ni guca párapeʼ gacané laanu guidúʼndanenu binni Biblia nga folletu Ca diidxaʼ sicarú ni zeeda de Dios. Dede zanda iquiiñenu ni para guzulú guidúʼndanenu binni Biblia primé biaje guinínenu laa ra puertaʼ lidxi.
Biʼniʼ stipa guʼnuʼ ndiʼ beeu riʼ:
Biʼniʼ orar ti guiale ndaaniʼ ladxidoʼloʼ guzulú gúʼndaneluʼ binni Biblia. Gunabaʼ Jiobá gacané lii para guzulú gusiidiluʼ binni de Biblia ne gácaluʼ ti maestru ni nanna gusiidiʼ Stiidxaʼ Dios (Filip. 2:13).
Biʼniʼ ensayar xi chiguiniʼluʼ ora gápatu adoración en familia ne ora gúʼndaluʼ Biblia stúbiluʼ. Pa guʼnuʼ zacá, qué zadxíbiluʼ guiniʼluʼ ne qué zaca nagana para lii guzulú gúʼndaneluʼ binni Biblia ra puertaʼ lidxi.