MODO RÚNINU XHIIÑAʼ DIOS
Gusihuínninu respetu ora maʼ ziguni predicarnu
Nabé ruuyadxí binni ca xpinni Cristu (1Co 4:9). Nga runi, qué ridxagayaanu ora ribee lú binni ra ventana para guuyadxicaʼ laanu o gucaadiágacaʼ xi caninu ra puertaʼ lídxicaʼ. Nuu tu napa cámara o micrófono ra zanda gúʼyacaʼ ne gucaadiágacaʼ laanu. Guzéʼtenu caadxi cosa ni zanda gacané laanu gusihuínninu respetu ora maʼ ziguni predicarnu (2Co 6:3).
NI GÚNINU (Flp 1:27)
Rusihuínninu respetu ora qué rigúʼlunu ra ventana stiʼ binni. Ora maʼ zuhuaʼnu ra puertaʼ sticaʼ, cadi guidoʼno nin guideʼnu gastiʼ, guininu pur teléfono o guséʼndanu mensaje.
NI GUININU (Ef 4:29)
Laga cabézanu guxheleʼ binni puertaʼ stiʼ, cadi guininu gastiʼ ni qué racaláʼdxinu gunadiágacaʼ. Nuu publicador rusaana de guiniʼné xcompañeru ora maʼ zuhuaa ra puertaʼ lidxi binni para guiníʼ ique xi chiguiníʼ.