Imihlangano Yokusisiza Ekwenzeni Abafundi
ISONTO ELIQALA NGOFEBRUARY 4
INgoma 92
15 imiz: Izaziso zebandla neZaziso ezikhethiwe ezivela kuNkonzo Yethu YoMbuso kumelwe zisingathwe umbonisi owengamele. Khuthaza bonke ukuba ba-ode omagazini abengeziwe bosuku olukhethekile lukamagazini olungoApril 6. Yazisa ibandla ngamalungiselelo asenziwe kakade okuba bonke bahlanganyele emsebenzini kamagazini ngalolusuku. Uma isikhathi sivuma, sikisela izindlela zokuhambisa omagazini bamuva ensimini yebandla. Khuthaza ukuhlanganyela enkonzweni yasensimini ngalempela-sonto.
15 imiz: “Dlulisela Ngesibindi Isimemo Sokuthi ‘Woza!’” Ingxoxo yemibuzo nezimpendulo kanye nemiboniso. Hlanganisa ukwaziswa okusesihlokweni seNkonzo Yethu YoMbuso, uqokomise ukusebenza kwetekisi lonyaka, isAmbulo 22:17. Yenza imiboniso emibili emifushane yokusikisela izindlela zokuhambisa isipho sencwadi salenyanga ensimini yebandla.
15 imiz: “Jwayelana Nezincwadi Ezintsha Ezikhululwe EMhlanganweni.” Ingxoxo engagwegwesi nezilaleli, egcizelela amaphuzu ayisihluthulelo avela encwadini ngayinye azoba usizo ebandleni. Abazalwane akumelwe bephuze ukwenza lokhu kwaziswa kube okwabo.
INgoma 20 nomthandazo wokuphetha.
ISONTO ELIQALA NGOFEBRUARY 11
INgoma 193
10 imiz: Izaziso zebandla. Umbiko wezimali. Hlanganisa namazwi okwazisa ngokuphana kwebandla ekunakekeleni izidingo zebandla, futhi udlulisele kubazalwane ukubonga kweNhlangano ngeminikelo eye yathunyelwa.
20 imiz: “Ukushumayela Izindaba Ezinhle—Ngokufakaza Emgwaqweni.” Imibuzo nezimpendulo. Yenza imiboniso emibili noma emithathu emifushane ngokushiyashiyana yokubonisa amaphuzu abamemezeli abayokwazi ukuwasebenzisa ekufakazeni emgwaqweni kulelisonto.
15 imiz: Hlela Ukuthatha Ubuphayona Obusizayo Phakathi Nenkathi YeSikhumbuzo. Inkulumo ekhuthazayo enokwaziswa okuwusizo kulabo abangathanda ukuba amaphayona asizayo ngoMarch noma ngoApril noma kuzo zombili lezinyanga. Bhekisela ekwazisweni okungaphansi kwesithi iZaziso ngokuphathelene nobuphayona obusizayo noku-oda omagazini abengeziwe. Chaza ukuthi imaphi amalungiselelo ibandla nabamemezeli ngabanye abangawenza ukuze bakhuthaze futhi basize labo abazobe bephayona phakathi nenkathi yeSikhumbuzo. Amabandla adinga insimu eyengeziwe angasebenza ensimini engabelwe ayihlanganisa ngonyaka odlule. Yenza ukuba amafomu esicelo sobuphayona obusizayo abe khona ukuze bakwazi ukuwathola labo abangase bawacele ngemva komhlangano. Kungase kuphawulwe ukuthi kuzobe kunezimpela-sonto ezinhlanu ezigcwele ngoMarch nokuthi kuyokwenziwa imizamo ekhethekile ukuze kumenyelwe abantu ekugujweni kweSikhumbuzo ngoMarch 30 nasenkulumweni yeningi ekhethekile okuhlelwe ukuba ibe ngoApril 7. Gcizelela futhi usuku olukhethekile lukamagazini olungoApril 6.
INgoma 130 nomthandazo wokuphetha.
ISONTO ELIQALA NGOFEBRUARY 18
INgoma 71
10 imiz: Izaziso zebandla. IBhokisi Lemibuzo. Veza isidingo sokuba bonke abamemezeli balazi igama eliqondile lebandla labo kanye namagama abanye abadala, uma bengenakubazi bonke. Khuthaza ukuhlanganyela ngokugcwele enkonzweni yasensimini kulempela-sonto, mhlawumbe unikeze ukusikisela ngamaphuzu afanelekile okukhulunyelwa akomagazini bamuva.
15 imiz: “Ukufeza Inkonzo Yethu YoMbuso NjengoFakazi BakaJehova.” Umzalwane ongumfundisi ofanelekayo uxoxa ngokwaziswa okunikeziwe futhi abonise indlela yokusetshenziswa kwezici eziphawuliwe zokuthuthukisa inkonzo yethu.
20 imiz: “Indima Yakho Ekwakheleni Ikusasa.” Ukuhlanganiswa kokwaziswa okusesenezelweni ngemibuzo nezimpendulo. Tusa abazalwane ngeminikelo yokuphana Yesikhwama SeNhlangano SamaHholo OMbuso nangokusekela abanye abaye bakunikeza emisebenzini yokwakha.
INgoma 211 nomthandazo wokuphetha.
ISONTO ELIQALA NGOFEBRUARY 25
INgoma 148
10 imiz: Izaziso zebandla neZindaba Ezingokwasezulwini. Sikisela futhi ubonise izindlela ezifanelekile zokuhanjiswa komagazini. Khuthaza ukuhlanganyela enkonzweni yasensimini kulempela-sonto.
15 imiz: “Indlela UJehova Achumisa Ngayo Umsebenzi Wakhe.” Inkulumo esekelwe esihlokweni seNqabayokulinda kaDecember 1, 1990, amakhasi 22-5.
20 imiz: Lungiselela Inkonzo NgoMarch. Phakathi noMarch sizobe sihambisa incwadi ethi IsAmbulo—Umvuthwandaba Waso Omkhulu Useduze! Ukusikisela okuhle kokwethula nokuhambisa lencwadi kwanikezwa kuNkonzo Yethu YoMbuso kaFebruary 1989. Xoxa ngokunye kwalokhu kusikisela okungase kube usizo kubamemezeli kulempela-sonto. Bonisa ukuhanjiswa kwalencwadi.
INgoma 63 nomthandazo wokuphetha.