Амаҵзураҿы иҳамоу аҟазара еиӷьаҳтәуеит. Абиблиа зҵо аҭҵаараҿы ибзиоу ашьцыларақәа роуларц ҳрыцраалар шҳалшо
Уи зхадоу. Абиблиа зҵо ауаа доуҳала ишәхьоу ракәны иҟаларц азы, иазхаӡом Анцәа Иажәа аҟынтә ихадоу аҵарақәа мацара рыла рыхшыҩи ргәи рырҭәра (Аур. 5:12—6:1). Аҭҵааразы аџьабаа батәуп. Уи азы иаҳдыруа аинформациеи ҿыц еилаҳкаауеи еидаҳҳәалалароуп, усҟан иаҳбар ҳалшоит уи ахәарҭара (Ажәам. [Прит.] 2:1—6). Абиблиа зҵо ауаа рхатә ҭҵаара амҩаԥгашьа рҵар, усҟан дара ирылшоит ақьырсиантә публикациақәа рыцхыраарала абиблиатә зҵаарақәа рҭак аҟаҵара. Еилыркааз рхы ианадырхәо, дара ирылшоит рқьырсиантә мҩаҿы ирԥыло аԥышәарақәа рыхгара (Лука 6:47, 48).
Ухы иархәа амза аҩныҵҟа абри алабжьара:
Ахеиҵа, ма ахы анеилшәыргалак ашьҭахь, изурҵо уиҳәа иахьа еиликааз аинформациа ҳәоуқәак рыла еиҭеиҳәарц. Абиблиа аӡәгьы иумырҵозар, ари алабжьара ухы иархәала Абиблиа ацыԥҵәаха, мамзаргьы аҵаразы астатиа аҟынтә абзац уанаԥхьо. Абас еиԥш иҟоу азнеишьа уцхраауеит узыԥхьо еиӷьны аилкаара.