Аҿыхра абзоурала аԥсҭалара шыҟало агәыӷра ҳамоуп

Иисус иԥсра агәаларшәара ахәылԥаз анымҩаԥысуа аамҭазы ҳара иҳамоуп алшара аҿыхра абзоурала ԥхьаҟа иаҳзыԥшу азылԥхарақәа рызхәыцра. Урҭ азылԥхарақәа ируакуп аԥсҭалара. Иегова ахаан иҭахымызт ауаа ԥсларц. Убри азоуп иузааигәоу ауаҩы иԥсра зегь раасҭа ахьаа зузаанаго (1 Кор. 15:26). Иисус игәы инархьуан иҵаҩцәа Лазарь иԥсра шыргәырҩоз анибоз (Иоанн 11:33—35). Иисус Иаб ихаҭара инагӡаны иааирԥшуеит аҟынтә, ҳара агәра ганы ҳаҟазар ҳалшоит иаҳзааигәоу иԥсра шаҳныруа анибо иаргьы уи игәы шинархьуа (Иоанн 14:7). Иегова иԥсхьоу имаҵзуҩцәа аԥсҭазаарахь ианирхынҳәуа аамҭа даара дазыԥшуп, ҳаргьы уи ӷәӷәала ҳазыԥшуп (Иов [Иов] 14:14, 15).

Иегова аиҿкаара бзиа ибоит, убри азы ҳара еилаҳкаауеит аԥсҭалара еиҿкааны ишымҩаԥысло (1 Кор. 14:33, 40). Аԥсыжра аҭыԥан аԥсҭалара ҟалоит. Уазхәыцуама уара аԥсҭалара, еиҳарак агәырҩа анумоу? (2 Кор. 4:17, 18). Иоуҳәома Иегова аҿыхразы, насгьы Аҩыраҿы аԥсҭалара иазку аиаша ахьааиртыз азы иҭабуп ҳәа? (Кәал. 3:15).

• Иубарц иуҭахыда уҩызцәеи ууацәеи рҟынтә еиҳараӡак?

• Дарбан Абиблиаҿы зыӡбахә ҳәоу рҟынтә еиҳараӡак узабадырырц, насгьы узацәажәарц иуҭаху?