LISON 17

Édé Moun Pou Byen Konpwann

1 Kòrint 14:9

WÉZIMÉ: Édé moun pou byen konpwann konmisyon’w.

Étidyé enfòmasyon-an byen. Éséyé pou konpwann sijé-a byen pou ou sa èspliké’y adan an mannyè ki senp èk an pawòl ou menm.
Sèvi santans ki kout èk èkspwèsyon ki senp. Menm si ou sa sèvi santans ki lonng, lè ou ka mansyonnen pwen ki enpòtan, I pli mèyè pou sèvi santans ki kout èk èkspwèsyon ki senp.

Lè ou ka mansyonnen sé pwen-an ki enpòtan, pa sèvi détay ki pa nésésè ki pé konfizé èk plen tèt sé moun-lan ki ka kouté’w. Pa sèvi mo pawòl ki difisil pou moun konpwann. Pito, sèvi langaj ki senp.
Èspliké mo pawòl moun pa okouwan épi. Si I posib, pa sèvi èkspwèsyon moun pa okouwan épi. Kanmenm, si ou ni pou sèvi bagay moun pa okouwan épi tèl kon: an mo pawòl, yon èkspwèsyon, an non ki an Bib-la, mannyè moun té ka miziwé an tan lontan èk koutim moun an tan lontan, ou ni pou bay yon èsplikasyon.