የጥናት እትም

ይሖዋ ለምድርና ለሰው ዘር ያለውን ዓላማ ለመፈጸም የሚጠቀምበት መሣሪያ መሲሐዊው መንግሥት ነው። በመጽሐፍ ቅዱስ ውስጥ የተጠቀሱት የተለያዩ ቃል ኪዳኖች በሰማይ ከሚገኘው ከዚህ መንግሥት ጋር የሚያያዙት እንዴት እንደሆነ ስንመረምር በመንግሥቱ ላይ የማይናወጥ እምነት ማዳበር የምንችለው ለምን እንደሆነ ለመረዳት ሞክሩ።

ይህ ርዕስ በጥንት ዘመንም ሆነ በዛሬው ጊዜ ይሖዋን በታማኝነት ያገለገሉ ሰዎችን ምሳሌ ይዟል። ይህን ርዕስ ማጥናታችን ከአምላካችን ጋር የመሥራት መብታችንን ከፍ አድርገን እንድንመለከት ይረዳናል፤ በእርግጥም ይህ ውድ መብት ነው።

በእነዚህ የመጨረሻ ቀናት በርካታ የእምነት ፈተናዎች ያጋጥሙናል። እንደ አብርሃምና ሙሴ ካሉ በጥንት ጊዜ የኖሩና ተመሳሳይ ፈተና ካጋጠማቸው ታማኝ ሰዎች ምን እንማራለን? ይህ ርዕስ አእምሯችን ምንጊዜም በይሖዋ አምላክና በመንግሥቱ ላይ እንዲያተኩር በማበረታታት መጽናት እንድንችል ይረዳናል።