“উৎসাহী ৰাজ্যৰ প্ৰচাৰকসকল” ২০০২ চনৰ যিহোৱাৰ সাক্ষীসকলৰ জিলা অধিৱেশন
১ “যেতিয়া লোকবিলাকে মোক কলে, ‘বʼলা, যিহোৱাৰ গৃহলৈ যাওঁহঁক,’ তেতিয়া মই আনন্দিত হলোঁ।” (গীতমালা ১২২:১) গীতমালাৰ এই বাক্যশাৰীক পৰীক্ষা কৰোঁতে এই বিষয়সমূহৰ ওপৰত ধ্যান দিয়ক (১) যেতিয়া তেওঁক যিহোৱাৰ উপাসনা কৰিবলৈ আমন্ত্ৰণ কৰা হৈছিল, তেতিয়া তেওঁ কেনে অনুভৱ কৰিছিল, (২) সত্য উপাসনাৰ প্ৰতি আগ্ৰহী হোৱা তেওঁৰ সৈতে থকা ভাল সঙ্গীসকল আৰু (৩) যিহোৱাৰ গৃহলৈ যাত্ৰা কৰিবলৈ নিশ্চয়ে একত্ৰিত হোৱা আৰু আঁচনি বনোৱাৰ আৱশ্যক আছিল।
২ যেতিয়া আগন্তুক জিলা অধিৱেশনৰ বাবে বনোৱা আঁচনিৰ বিষয়ে শুনো, তেতিয়া আমি গীতমালা ৰচোঁতাজনৰ দৰে একেই অনুভূতি প্ৰতিফলিত নকৰোঁনে? বিগত বছৰৰ অধিৱেশনত যিহোৱাক প্ৰেম কৰা সঙ্গী ভাই-ভনীৰ সৈতে সঙ্গতি কৰি লাভ কৰা আনন্দ আৰু এই বছৰৰ অধিৱেশনত পুনৰাই তেওঁলোকৰ সৈতে একত্ৰিত হʼবলৈ আমি অৱশ্যেই আনন্দিত হʼম। সেয়েহে ভাৰতত ২০০২-২০০৩ চনৰ বাবে তিনি দিনীয়া জিলা অধিৱেশনসমূহৰ প্ৰবন্ধ কৰা হʼল, যাৰ বিষয় হৈছে “উৎসাহী ৰাজ্যৰ প্ৰচাৰকসকল।” গতিকে সম্পূৰ্ণকৈ হʼবলগীয়া আধ্যাত্মিক ভোজৰ পৰা লাভবান হবলৈ, এতিয়াৰে পৰা আঁচনি বনোৱা আৱশ্যক।
৩ অধিৱেশনৰ দ্বাৰা সময়মতে আধ্যাত্মিক আহাৰ বিতৰণ কৰিবলৈ “বিশ্বাসী আৰু বুদ্ধিমান দাসসকলে” এতিয়াৰে পৰা আধ্যাত্মিক আহাৰ তৈয়াৰ কৰিবলৈ আৰম্ভ কৰিছে। (লূক ১২:৪২) বিগত বছৰত নতুন ব্যক্তিসকলৰ উপস্থিতি আৰু কিছুমান চহৰত ৰাইজে যিহোৱাৰ সাক্ষীসকলৰ বৃহতসমূহৰ প্ৰতিনিধীসকলক বিতংকৈ জানিবলৈ সুবিধাৰ অৰ্থে বহুতো সৰু সৰু অধিৱেশন আয়োজন কৰা হৈছিল। এই বছৰত বহুতো ঠাইৰ পৰা অহা সাক্ষী ভাই-ভনীসকলৰ সৈতে সঙ্গতি কৰাত সুযোগ লাভ কৰিবলৈ বিভিন্ন স্থানত আগতকৈও বৃহৎ জিলা অধিৱেশনৰ আয়োজিত কৰা হৈছে। উত্তৰ আৰু উত্তৰ-পূব অঞ্চলত থকা ভাই-ভনীসকলৰ বাবে যদিও কিছুমান স্থানত সৰু অধিৱেশন আয়োজন কৰা হৈছে, তথাপিও প্ৰত্যেক ভাষাৰ সমূহক বৃহৎ অধিৱেশনত উপস্থিত হʼবলৈ নিযুক্ত কৰা হʼল। প্ৰতিনিধিসকলৰ বাবে সুবিধাজনক হোটেল বা সমূহীয়া শয়ন কক্ষৰ যোগান ধৰা হৈছে। তদুপৰি, বহুতো ভাইসকলে বিভিন্ন বিভাগসমূহ সংগঠিত কৰিছে যাতে “সকলো কৰ্ম্ম সুন্দৰকৈ আৰু শৃঙ্খলা লগাই কৰা” হয়। (১ কৰি. ১৪:৪০) আমাৰ সুবিধা আৰু লাভৰ অৰ্থে বহুতো প্ৰবন্ধ কৰা হৈছে, তেতিয়াহʼলে অধিৱেশনত উপস্থিত হʼবলৈ আমি ব্যক্তিগতভাৱে কেনেকৈ প্ৰস্তুত হʼব পাৰোঁ?
৪ অধিৱেশনৰ গোটেই কেইদিনত উপস্থিত থাকিবলৈ এতিয়াৰে পৰা আঁচনি বনাওঁক: এই বছৰত হʼবলগীয়া বেছিভাগ অধিৱেশন দীপাৱলী আৰু ডিচেম্বৰ মাহৰ বন্ধৰ সময়ত আয়োজন কৰা হৈছে। তথাপিও, নিযুক্ত কৰা অধিৱেশনত উপস্থিত হোৱাৰ বাবে আগতীয়াকৈ যাত্ৰা কৰিবলৈ আপোনাক হয়তো চাকৰিৰ পৰা ছুটি বিচাৰি আৱেদন কৰা আৱশ্যক হʼব পাৰে। যিহোৱাই জানে যে কিছুমান উচ্চ পদত থকা বিষয়াৰ ‘কুটিল-মন’ আছে। (১ পিত. ২:১৮) কিন্তু আমাৰ অধিৱেশনবোৰ হৈছে সকলোতকৈ গুৰুত্বপূৰ্ণ বিষয় আৰু সেইবাবে আমি সম্পূৰ্ণ কাৰ্য্যক্ৰমত উপস্থিত থাকিবলৈ অধিকৰূপে প্ৰচেষ্টা কৰা উচিত। গতিকে তেনে বিষয়বোৰ প্ৰাৰ্থনাৰ দ্বাৰা যিহোৱাক জনাওঁক আৰু উত্তম ফল লাভ কৰিবলৈ তেওঁৰ নিৰ্দ্দেশনা বিচাৰক।—নহি. ২:৪.
৫ পৰিয়ালৰ সকলোৱে অধিৱেশনত উপস্থিত হʼবলৈ আগতীয়াকৈ আঁচনি বনাওঁক: আমাৰ বহুতৰ বাবে পৰিয়ালৰ সকলো সদস্যই যাত্ৰা কৰা আৰু হোটেলত থকাটো ইমান সহজ নহয়। অতি সাৱধানে বনোৱা আঁচনিয়ে আৰ্থিক হেঁচাক দূৰ কৰিবলৈ সহায় কৰিব পাৰে। যদি এতিয়াৰ পৰা অধিৱেশনৰ দিনলৈকে পৰিয়ালৰ প্ৰত্যেক সদস্যৰ বাবে দৈনিক কেৱল পাঁচ টকাকৈ সঞ্চয় কৰোঁ, তেন্তে আমি যাত্ৰা কৰা আৰু থকা-মেলাৰ বাবে খৰচ-পাতি উলিয়াব পাৰিম।—১ কৰি. ১৬:২ পদৰ সৈতে তুলনা কৰক।
৬ থকা-মেলাৰ বাবে ব্যৱস্থা: যি স্থানত অধিৱেশন আয়োজন কৰা হয় সেই ঠাইত থকা-মেলাৰ বাবে ব্যৱস্থা কৰিবলৈও প্ৰত্যেক অধিৱেশনত এটা ৰূমিং বিভাগ থাকে। আপুনি থকা-মেলাৰ ব্যৱস্থাৰ বাবে আগতীয়াকৈ এক উত্তম আঁচনি তৈয়াৰ কৰক। ইয়াৰ বাবে মণ্ডলীৰ সচিবৰ পৰা ৰুম আৱেদন পত্ৰ লৈ তাত উল্লেখ কৰা আৱশ্যকীয় সংবাদসমূহ সঠিকৈ ভৰ্ত্তি কৰক। তাৰ পিছত সেইখন আপোনাৰ মণ্ডলীৰ চেক্ৰেটাৰীক দিয়ক যাতে তেওঁ আপুনি উপস্থিত হʼবলগা অধিৱেশনৰ মূখ্য কাৰ্য্যালয়লৈ পঠিয়াব পাৰে। ইয়াতে এটা কথা মনত ৰাখিলে ভাল হʼব যে আপুনি আপোনাৰ আৱেদন পত্ৰখনৰ সৈতে নিজৰ ঠিকনা লিখি ডাক-টিকট লগোৱা এটা এনভেলপ পঠিয়াই যেন। সমূহীয়া শয়ন কক্ষৰ দৰে ৰূমত থাকিবলৈ এজন ব্যক্তিয়ে প্ৰত্যেক নিশাই নূন্যতম ৫০ টকা খৰচ কৰিব লাগিব। গতিকে যেতিয়া এই বিষয়ে নিৰ্দ্দিষ্ট কৰা হয় তেতিয়া অনুগ্ৰহ কৰি সেই কথা মনত ৰাখিলে উত্তম হʼব যে আপুনি কিমান খৰচ কৰিব পাৰিব। যদি আপুনি থাকিবলৈ কোনো ভাই বা ভনীয়ে নিজৰ ঘৰত ব্যৱস্থা কৰিছে, তেনেহʼলে অনুগ্ৰহ কৰি স্থানীয় পৰিয়ালে আগবঢ়োৱা সেই অতিথিপৰায়ণতাক অনুদান হিচাবে নলব। তেওঁলোকে বহন কৰা অতিৰিক্ত খৰচৰ বাবদ তেওঁলোকক কিবা দি সহায় কৰক।
৭ মণ্ডলীত থকা আন সদস্যক হয়তো সহায়ৰ আৱশ্যকতা হʼব পাৰে: যদি আমি এনে এজন ভাই বা এগৰাকী ভনীৰ বিষয়ে জানোঁ, যিসকল শাৰীৰিক অথবা আৰ্থিকৰূপে দুৰ্ব্বল আৰু যাৰ বাবে তেওঁলোকে অধিৱেশনত উপস্থিত হʼব নোৱাৰিব, তেনেহʼলে তেওঁলোকক কিছু পৰিমাণে সহায় কৰিবলৈ আমাৰ “হৃদয় বহল” কৰিব পাৰিমনে? (২ কৰি. ৬:১২, ১৩; দ্বিতী. ১৫:৭) পাঁচনি পৌলে ২ কৰি. ৮:১৪ পদত এই মনোবৃত্তি দেখুৱাবলৈ উৎসাহিত কৰিছিল। তেন্তে এনে লোকসকলক আপোনাৰ সৈতে অধিৱেশনলৈ যাত্ৰা কৰিবলৈ আমন্ত্ৰিত নকৰে কিয়? যদি তেওঁলোক অগ্ৰগামী সেৱক, তেন্তে যাত্ৰা কৰাৰ সময়ছোৱাত তেওঁলোকৰ পৰা বহুতো ভাল অনুভৱ শুনিব পাৰে। অথবা যদি তেওঁলোক মণ্ডলীৰ পুৰণি ব্যক্তি হয়, তেন্তে তেওঁলোকৰ পৰা ঈশ্বৰ-শাসিত কাৰ্য্যসমূহৰ বিষয়ে শুনিব পাৰিব যাক হয়তো আপুনি আগতে কেতিয়াও শুনা নাই। তেনে ভাই বা ভনীসকলৰ সৈতে কৰা সঙ্গতিৰ দ্বাৰা আপুনি আৰু আপোনাৰ পৰিয়াল প্ৰভাৱিত নহয়নে? আপোনাৰ এই উদাৰ মনোবৃত্তিক দেখি তেওঁলোকে আপোনাক প্ৰশংসা কৰিব আৰু যিহোৱাই আপোনাক আশীৰ্ব্বাদ কৰিব।—হিতো. ২৮:২৭; মথি ১০:৪২.
৮ স্বেচ্ছাকৰ্ম্মীৰূপে আগ্ৰহী হৈ সঁহাৰি জনাওঁক: অধিৱেশন হোৱা চহৰবোৰত থকা স্থানীয় মণ্ডলীবোৰে অধিৱেশন আৰম্ভ হোৱাৰ কিছুদিনৰ পূবেই অধিৱেশনৰ গৃহক চোৱাচিতা কৰিবলৈ বিশেষ সুযোগ পাব। এই সম্পৰ্কে “ঈশ্বৰীয় শিক্ষাৰ দ্বাৰা একত্ৰিত” নামৰ ভিডিঅʼখন পৰিয়ালৰ সৈতে চাওক আৰু সেই ব্যাপকৰূপে থকা কাৰ্য্যবোৰত ভাগ লওক। ইয়াৰ বাবে হয়তো অতিৰিক্ত ছুটিৰ আৱশ্যক হʼব পাৰে, কিন্তু যিসকলে এই কাৰ্য্যত ভাগ লয় তেওঁলোকে নিশ্চয়ে ঈশ্বৰৰ আশীৰ্ব্বাদ লাভ কৰিব। ইয়াৰ ওপৰিও অধিৱেশনৰ সময়ছোৱাত বিভিন্ন বিভাগবোৰত নিমজভাৱে কাৰ্য্য পৰিচালনা কৰিবলৈ বহুতো স্বেচ্ছাকৰ্ম্মীৰ আৱশ্যক। অধিৱেশনগৃহত থকা এটেনডেন্ট ভাইসকলে বহিবলৈ আসনৰ ব্যৱস্থা, প্ৰক্ষালন বিভাগে অস্থায়ী উপাসনা স্থান অৰ্থাৎ অধিৱেশনগৃহ আৰু ইয়াৰ চাৰিওফালে পৰিষ্কাৰ-পৰিচ্ছন্নতা বজাই ৰাখি আমালৈ এক গৌৰৱ কঢ়িয়াই আনে। তেনে বা আন কোনো বিভাগসমূহত সহায় কৰিবলৈ আমি সহযোগ দিব পাৰিমনে? স্বেচ্ছাকৰ্ম্মী হিচাবে আপুনি “একে মনেৰে” ভাইসকলৰ সৈতে কাৰ্য্য কৰিবনে?
৯ লোকসকলে আমি কৰা কাৰ্য্যৰ প্ৰতি লক্ষ্য কৰেনে? বিগত বছৰৰ জিলা অধিৱেশনৰ সময়ছোৱাত, ২০ বছৰতকৈ অধিক আগতে যিহোৱাৰ সাক্ষীসকলৰ সৈতে অধ্যয়ন কৰিবলৈ বন্ধ কৰা এজন ব্যক্তিয়ে এখন হোটেলত কাম কৰিছিল। তেওঁ কিছুমান সাক্ষীক জনায় যে তেওঁ এতিয়া পুনৰাই বাইবেল অধ্যয়ন কৰিবলৈ আৰম্ভ কৰি মণ্ডলীৰ সভাবোৰত উপস্থিত হʼবলৈ ইচ্ছা কৰে। তেওঁ কিয় ইচ্ছা কৰে? কিয়নো সাক্ষীসকলে হোটেলত থকা সময়ত তেওঁৰ সৈতে প্ৰেমেৰে ব্যৱহাৰ কৰিছিল। আমাৰ স্বৰ্গীয় পিতৃয়ে কিমান যে গৌৰৱাম্বিত হয়, যেতিয়া তেওঁ আমাক যীচুৰ উপদেশ পালন কৰা দেখে। যীচুৱে এইদৰে উপদেশ দিছিল: “তোমালোকৰ পোহৰ মানুহৰ আগত প্ৰকাশিত হওক; তাতে তেওঁবিলাকে তোমালোকৰ ভাল কৰ্ম্ম দেখি, স্বৰ্গত থকা তোমালোকৰ পিতৃৰ স্তুতি কৰিব।”—মথি ৫:১৬.
১০ যিহোৱাৰ উপাসনাগৃহলৈ যাবলৈ ৰজা দায়ূদে যেনে মনোবৃত্তি দেখুৱাইছিল তেনেদৰে আমিও দেখুৱাওঁহঁক। আমাৰ জিলা অধিৱেশনবোৰ হৈছে আধ্যাত্মিক আহাৰৰ প্ৰমুখ উৎস আৰু প্ৰেমময় সঙ্গী ভাই-ভনীসকলৰ সৈতে সঙ্গতি কৰিবলৈ মূল্যৱান সুযোগ পাওঁ। সেইবাবে আমি আপোনালোকক “উৎসাহী ৰাজ্যৰ প্ৰচাৰকসকল,” হʼবলগীয়া জিলা অধিৱেশনৰ গোটেই কেইদিন উপস্থিত থকাৰ আঁচনি বনাবলৈ উৎসাহিত কৰিছোঁ!