আপুনি বাইবেলৰ বিষয়ে কি ভাবে?

পবিত্ৰ শাস্ত্ৰ বাইবেলে কি উত্তৰ দিয়ে

“গোটেই শাস্ত্ৰ ঈশ্বৰ-নিশ্বাসিত।”—২ তীমথিয় ৩:১৬, পবিত্ৰ বাইবেল O.V. (Ref.)

আপোনাৰ বাবে কি অৰ্থ ৰাখে

গুৰুত্বপূৰ্ণ প্ৰশ্নবোৰৰ সঠিক উত্তৰ।—হিতোপদেশ ২:১-৫.

দৈনন্দিন জীৱনৰ বাবে নিৰ্ভৰযোগ্য নিৰ্দ্দেশনা।—গীতমালা ১১৯:১০৫.

ভৱিষ্যতৰ বাবে প্ৰকৃত আশা।—ৰোমীয়া ১৫:৪.

বাইবেলত উল্লেখ থকা বিষয়বোৰ আমি বিশ্বাস কৰিব পাৰোঁনে?

হয় পাৰোঁ। অন্তত তিনিটা কাৰণৰ বাবে:

• আচৰিত ভাৱে মিল আছে। বাইবেলখন লিখিবলৈ ১,৬০০ বছৰতকৈ বেছি সময় লাগিছিল আৰু ইয়াক ৪০ জন ব্যক্তিয়ে লিখিছিল। তেওঁলোকৰ বেছিভাগে এজনে-আনজনক দেখা নাছিল। তথাপিও, গোটেই বাইবেলখন এটা মূল বিষয়ৰ লগত মিল আছে।

• সত্য ইতিহাস। বুৰঞ্জীবিদসকলে প্ৰায়ে, নিজ দেশৰ লোকসকলৰ ভুল-ত্ৰুটি বা তেওঁলোকে সন্মুখীন হোৱা পৰাজয়বোৰৰ বিষয়ে বৰ্ণনা নকৰে। কিন্তু তাৰ পৰিৱৰ্তে, বাইবেলৰ লেখকসকলে নিজৰ আৰু ৰাষ্ট্ৰত হোৱা ভুল-ত্ৰুটিবোৰৰ বিষয়ে উল্লেখ কৰিছে।—২ বংশাৱলি ৩৬:১৫, ১৬; গীতমালা ৫১:১-৪.

• নিৰ্ভৰযোগ্য ভৱিষ্যতবাণী। বাবিল মহানগৰৰ বিনাশৰ বিষয়ে বাইবেলত প্ৰায় ২০০ বছৰৰ আগতে ভৱিষ্যতবাণী কৰা হৈছিল। (যিচয়া ১৩: ১৭-২২) এই ভৱিষ্যতবাণীত বাবিল মহানগৰখন কেনেকৈ ধ্বংস কৰা হʼব আৰু কোনে ইয়াক পৰাজয় কৰিব তেওঁৰ নামো উল্লেখ কৰা হৈছিল।—যিচয়া ৪৫:১-৩.

  সময় অতিবাহিত হোৱাৰ লগে লগে বাইবেলৰ বহুতো ভৱিষ্যতবাণী বিতংভাৱে পূৰ হোৱা দেখিবলৈ পোৱা যায়। ঈশ্বৰৰ বাক্যৰপৰা আমি এনে হোৱাটো নিশ্চয় আশা কৰোঁ, নহয়নে বাৰু?—২ পিতৰ ১:২১.