সুখী পৰিয়ালৰ ৰহস্য কি?

পবিত্ৰ শাস্ত্ৰ বাইবেলে কি উত্তৰ দিয়ে

“যিবিলাকে ঈশ্বৰৰ বাক্য শুনি পালন কৰে, তেওঁবিলাকহে ধন্য।”—লূক ১১:২৮, পবিত্ৰ বাইবেল O.V. (Ref.)

আপোনাৰ বাবে কি অৰ্থ ৰাখে

প্ৰকৃত প্ৰেম পাবলৈ।—ইফিচীয়া ৫:২৮, ২৯.

গভীৰ সন্মান কৰিবলৈ।—ইফিচীয়া ৫:৩৩, NW.

সুৰক্ষা পাবলৈ।—মাৰ্ক ১০:৬-৯.

বাইবেলত উল্লেখ থকা বিষয়বোৰ আমি বিশ্বাস কৰিব পাৰোঁনে?

হয় পাৰোঁ। অন্তত দুটা কাৰণৰ বাবে:

• পৰিয়াল জীৱনৰ উদ্ভাৱক হৈছে যিহোৱা ঈশ্বৰ। বাইবেলে বৰ্ণনা কৰিছে যে যিহোৱা ঈশ্বৰে প্ৰথম পুৰুষ আৰু তিৰোতাক বিবাহ বান্ধোনৰ যোগেদি একত্ৰিত কৰিলে। (আদিপুস্তক ২:১৮-২৪) আন এক অৰ্থত কʼবলৈ গʼলে পৰিয়াল ব্যৱস্থা যিহোৱা ঈশ্বৰে সৃষ্টি কৰিছে। ইয়াৰপৰা কি বুজিব পাৰি?

  খন্তেকৰ বাবে চিন্তা কৰকচোন: আপুনি এসাঁজ সোৱাদলগা আহাৰ খাইছে আৰু ইয়াক ইমান ভালকৈ কেনেকৈ তৈয়াৰ কৰা হৈছে, তাৰ বিষয়ে আপুনি জানিব বিচাৰিছে। তেনেহʼলে আপুনি কাক সুধিব? নিসন্দেহ, যিজনে সেই আহাৰ তৈয়াৰ কৰিলে।

  ঠিক সেইদৰে, সুখী পৰিয়ালৰ ৰহস্যৰ বিষয়ে জানিবলৈ আমি পৰিয়াল জীৱনৰ উদ্ভাৱক যিহোৱা ঈশ্বৰক সুধিব লাগিব।

• ঈশ্বৰে আপোনাৰ বিষয়ে চিন্তা কৰে। যিহোৱা ঈশ্বৰে তেওঁৰ বাক্যৰ যোগেদি যি যি নিৰ্দ্দেশনা দিছে তাক সকলো পৰিয়ালে পালন কৰা উচিত হʼব। কিয় বাৰু? “কিয়নো তোমালোকৰ কাৰণে তেওঁ চিন্তা কৰে।” (১ পিতৰ ৫:৬, ৭) যিহোৱাই আপোনাৰ ভালৰ বাবে চিন্তা কৰে আৰু তেওঁৰ নিৰ্দ্দেশনাবোৰ ব্যৱহাৰিক।—হিতোপদেশ ৩:৫, ৬; যিচয়া ৪৮:১৭, ১৮.