ভাগ ৫-ত কি শিকিম

লোহিত সাগৰ পাৰ হোৱা দুমাহৰ পাছত ইস্ৰায়েলীসকলে চীনয় পাহাৰৰ ওচৰ পালেগৈ। তাত যিহোৱাই তেওঁলোকৰ লগত এটা চুক্তি কৰিলে যে তেওঁলোক তেওঁৰ বিশেষ ৰাষ্ট্ৰ হʼব। যিহোৱাই তেওঁলোকক সুৰক্ষা দিলে আৰু তেওঁলোকৰ সকলো প্ৰয়োজনীয় বস্তু দিলে। যেনে, তেওঁলোকক খাবলৈ মান্না দিলে, তেওঁলোকৰ কাপোৰ পুৰণি হৈ নাফাটিল আৰু তেওঁলোকক এনে ঠাইত থাকিবলৈ কʼলে, যʼত কোনো ধৰণৰ বিপদ নাছিল। যদি আপোনালোকৰ লʼৰা-ছোৱালী আছে, তেনেহʼলে সিহঁতক বুজিবলৈ সহায় কৰক যে যিহোৱাই কিয় ইস্ৰায়েলীসকলক নিয়ম দিলে আৰু তেওঁলোকৰ কাৰণে পবিত্ৰ তম্বু আৰু পুৰোহিতৰ ব্যৱস্থা কৰিলে। ইয়াৰ উপৰিও নিজৰ প্ৰতিজ্ঞা পূৰ কৰা, নম্ৰ হৈ থকা আৰু যিহোৱাৰ বিশ্বাসী হৈ থকাটো কিমান প্ৰয়োজন, সেয়াও বুজিবলৈ সহায় কৰক।